პარლამენტის თავმჯდომარეს უკრაინაში აუცილებლად მოუწევს მიხეილ სააკაშვილის თემის განხილვა, - ასე ეხმაურება „ევროპული საქართველოს“ წევრი, ლაშა დამენია კახა კუჭავას უკრაინაში ვიზიტს.
დამენიას განმარტებით, კუჭავას მოუწევს მძიმე კითხვებზე პასუხის გაცემა თუ რატომ არის საქართველოს მესამე პრეზიდენტი პოლიტიკურად მოტივირებული საქმეებზე დაკავებული.
„ცხადია, უკრაინაში ვიზიტისას პარლამენტის თავმჯდომარეს მოუწევს მიხეილ სააკაშვილის თემების განხილვა და მძიმე კითხვებზე პასუხის გაცემა თუ რატომ არის საქართველოს მესამე პრეზიდენტი პოლიტიკურად მოტივირებული საქმეებით დაკავებული. ასევე მოუწევს პასუხების გაცემა თუ რატომ შეუზღუდეს კომუნიკაცია პოლიტპატიმარს საქართველოში და რატომ არ აძლევს პარლამენტის წევრებს მისი მონახულების საშუალებას“, - განაცხადა დამენიამ.