ანდრიუს კუბილიუსი და რასა იუკნევიჩიენე - მნიშვნელოვანია, რომ საქართველომ არ დაკარგოს უკვე მიღწეული შედეგები

მოვუწოდებთ ყველა ქართულ პოლიტიკურ ძალას, დაიწყონ ნორმალური დემოკრატიული პოლიტიკური დიალოგის უზრუნველსაყოფად საჭირო ხიდების აშენება, დაუბრუნდნენ პროევროპულ რეფორმების გზას და ორიენტირებული იყვნენ ქვეყნის განვითარებისთვის ძალიან საჭირო პროგრესის მიღწევაზე ქართველი ხალხის საკეთილდღეოდ, - ამის შესახებ ევროპარლამენტარების, ანდრიუს კუბილიუსისა და რასა იუკნევიჩიენეს ერთობლივ განცხადებაშია აღნიშნული.

მათი თქმით, მნიშვნელოვანია, რომ საქართველომ არ დაკარგოს უკვე მიღწეული შედეგები.

„მნიშვნელოვანია, რომ საქართველომ არ დაკარგოს უკვე მიღწეული შედეგები. ჩვენი მხრიდან, ჩვენ მზად ვართ გავაგრძელოთ საქართველოს ევროატლანტიკური ამბიციების მხარდაჭერა, მაგრამ ხაზს ვუსვამთ, რომ ამ გზაზე წარმატება მხოლოდ მმართველი პარტიისა და ოპოზიციის ერთობლივი და თანმიმდევრული ძალისხმევით და ყველა პროევროპული პოლიტიკური ძალის ერთობლივად მუშაობით იქნება შესაძლებელი, იმისთვის, რომ განხორციელდეს ქართველი ხალხის ძლიერი სურვილი, იხილონ საქართველო ევროკავშირში“, - აცხადებენ ევროპარლამენტარები.