პრემიერი ბათუმში მომხდარზე - ვგეგმავთ, კიდევ უფრო გავამკაცროთ რეგულაციები, ნებართვის გაცემის პროცედურები მკაცრად უნდა გაკონტროლდეს და ასეთი შეცდომა მეორედ აღარ უნდა იქნას დაშვებული

პრემიერ-მინისტრ ირაკლი ღარიბაშვილის განცხადებით, ხელისუფლება აჭარის მთავრობას მაქსიმალურად გვერდში დაუდგება იმისთვის, რომ ბათუმში კორპუსის ჩამონგრევის შედეგად დაზარალებულებს საცხოვრებელი ბინა და ფულადი კომპენსაცია დროულად გადაეცეთ.

„მინდა, კიდევ ერთხელ მივუსამძიმრო იმ ოჯახებს, ვინც დაკარგა ოჯახის წევრები. მართლაც დიდი ტრაგედიაა ჩვენთვის, ყველასთვის. აქვე მინდა ვთქვა, რომ აჭარის მთავრობამ ყველაფერი გააკეთა და ჩვენც, ცენტრალური ხელისუფლება მაქსიმალურად გვერდში დავუდგებით იმისთვის, რომ მაქსიმალურად დროულად საცხოვრებელი ბინები საკუთრებაში ყველას გადაეცეს და ამის გარდა ფულადი კომპენსაციებიც, რათა საკუთარ სახლებში მოაწყონ შესაბამის პირობები.

ამის გარდა, რა თქმა უნდა, ჩვენ ვგეგმავთ, რომ კიდევ უფრო გავამკაცროთ რეგულაციები, საერთოდ, ნებართვის გაცემის პროცედურები მკაცრად უნდა გაკონტროლდეს და ასეთი შეცდომა მეორედ აღარ უნდა იქნას დაშვებული. პოლიციამ უკვე დააკავა სამი პირი, რომელიც იკვეთება ამ დანაშაულში, ამ უბედურ შემთხვევაში, ტრაგედიაში, ამას დავარქვათ გულგრილობა თუ გაუფრთხილებლობა, ამას ბუნებრივია, გამოძიება გასცემს პასუხს, მაგრამ მე მინდა ვთქვა, რომ ჩვენ, მთავრობა ყველაფერს გავაკეთებთ იმისთვის, რომ ამ ოჯახებს მაქსიმალურად გვერდში დავუდგეთ“, - აცხადებს ღარიბაშვილი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს