მაია ბითაძე - კანონპროექტის მიხედვით, დემონტაჟს დასაქვემდებარებელი ობიექტებისთვის დამატებითი ღირებულების გადასახადის შეღავათი კვლავ გავრცელდება

საგადასახადო კოდექსში ცვლილების შეტანის მიზანია კვლავ გავრცელდეს დამატებითი ღირებულების გადასახადის შეღავათი დემონტაჟს დასაქვემდებარებელი ობიექტებისთვის რაც, საბოლოოდ გადაჭრის დაუმთავრებელი მშენებლობების პრობლემას, განსაკუთრებით, დედაქალაქში,- ამის შესახებ გარემოს დაცვისა და ბუნებრივი რესურსების დაცვის კომიტეტის თავმჯდომარემ მაია ბითაძემ ბიუროს სხდომაზე განაცხადა.

საქართველოს კანონის პროექტის „საგადასახადო კოდექსში ცვლილების შეტანის შესახებ“ საუბრისას, დეპუტატმა განმარტა, რომ ცვლილება ე.წ. დაუმთავრებელ მშენებლობებს ეხება.

მისივე თქმით, მიუხედავად 2017-2020 წლებში განხორციელებული ღონისძიებებისა, ამ მიმართულებით კვლავ რჩება პრობლემა.

"2008 წლის 8 აგვისტოს ომის შემდგომ გამოცხადდა გარკვეული შეღავათები ზოგადად სამშენებლო სექტორისთვის და დამატებითი ღირებულების გადასახადიდან იქნა კომპანიები გათავისუფლებული, იმისთვის, რომ წახალისებულიყო ბიზნესი და იმ ეკონომიკურ ვარდნას ხელი არ შეეშალა სამშენებლო სექტორისთვის. მიუხედავად 2017-2020 წლებში განხორციელებული უამრავი ქმედებისა, რომელმაც, პრაქტიკულად, ამოწურა დაუმთავრებელი მშენებლობების პრობლემა, განსაკუთრებით, დედაქალაქში, კვლავ ღია რჩება საკითხი, ისეთ დაუმთავრებელ მშენებლობასთან, რომელიც განიცდის დემონტაჟს. არის დაუმთავრებელი მშენებლობა, რომლის დაუმთავრებლობა გამოწვეულია 2008 წლის მოვლენებიდან გამომდინარე და ახალი ნებართვის აღების შემთხვევაში, ისინი აღარ ექვემდებარებიან მოქმედი კანონმდებლობით დამატებითი ღირებულების გადასახადისგან გათავისუფლებას. შესაბამისად, აღნიშნული ცვლილების მიზანია, სწორედ ასეთი დემონტაჟს დასაქვემდებარებელი ობიექტებისთვის კვლავ გავრცელდეს დამატებითი ღირებულების გადასახადის შეღავათი, რაც, რეალურად, საბოლოოდ გადაჭრის დაუმთავრებელი მშენებლობების პრობლემას, განსაკუთრებით, დედაქალაქში“, - განაცხადა მაია ბითაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს