საქართველოს პრეზიდენტი ვენაში ქართველ სტუდენტებს შეხვდა. შეხვედრისას სტუდენტები პრეზიდენტს იმ საკითხების შესახებ ესაუბრნენ, რომლებსაც ისინი სწავლის პროცესში აწყდებიან.
საუბარი შეეხო სწავლის პროცესში სტუდეტებისათვის შექმნილ სირთულეებს, როგორიცაა წყაროებსა და დოკუმენტაციაზე წვდომის საკითხი. რაზეც, საქართველოს პრეზიდენტმა აღნიშნა, რომ სხვადასხვა ქვეყნებთან აღნიშნულ საკითხთან დაკავშირებით მიმდინარეობს მუშაობა, რომ ქართველ სტუდენტებსა და მკვლევარებს მიეცეთ შესაძლებლობა და ჰქონდეთ წვდომა იმ კონკრეტულ დოკუმენტაციასთან და წყაროებთან დაკავშირებით, რომელიც მათ კვლევისას ან სწავლის პროცესში სჭირდებათ.
პრეზიდენტის განცხადებით, სტუდენტებმა შესაძლებელია გამოიყენონ საკუთარი ცოდნა და უნარები, რათა მოხდეს საქართველოს პოპულარიზაცია, მაგალითისათვის კი სალომე ზურაბიშვილმა ვიკიპედიაში საქართველოს შესახებ ორგანიზებულად ინფორმაციის განთავსება დაასახელა და აღნიშნა, რომ რაც უფრო მეტი სანდო და ვრცელი სტატია დაიდება ვიკიპედიაში სხვადასხვა ენაზე, მით უფრო გაიზრდება საქართველოს ცნობადობა და მოხდება მისი კულტურისა და ისტორიის პოპულარიზაცია.