ნათია თურნავა - მიმდინარე საარბიტრაჟო დავამ, რომელიც წინა ინვესტორების მხრიდან არის გაჩაღებული, ანაკლიის პროექტს გარკვეული დარტყმა მიაყენა

მიმდინარე საარბიტრაჟო დავამ, რომელიც წინა ინვესტორების მხრიდან არის გაჩაღებული, ამ პროექტს გარკვეული დარტყმა მიაყენა, - ამის შესახებ ეკონომიკისა და მდგრადი განვითარების მინისტრმა, ნათია თურნავამ ანაკლიის პორტთან დაკავშირებით განაცხადა.

როგორც მან მთავრობის სხდომის დასრულების შემდეგ, პრესკონფერენციაზე განმარტა, დღეს ქვეყანას ოპერირებადი პორტი უნდა ჰქონოდა, თუმცა პროექტი ჯერაც არ განხორციელებულა. თურნავას თქმით, ამის დადებითი მხარე ისაა, რომ უფრო სანდო ინვესტორების მოძებნა იქნება შესაძლებელი.

„ჩვენ რამდენიმე თვის წინ საერთაშორისო კონსულტანტები მოვიწვიეთ, რომლებიც ცნობილი არიან საზღვაო სფეროში, ასევე საპორტო ინფრასტრუქტურის მიმართულებით სანდო კვლევებით. მათ ჩვენთვის პრაქტიკულად ეს პროექტი განაახლეს და საინვესტიციო შეთავაზების განახლებული სტრუქტურა წარმოადგინეს, სადაც მთავრობის მონაწილეობა შეიძლება უფრო მეტად წონადი იყოს და ეს პროექტი უფრო მიმზიდველი გავხადოთ ამ თვალსაზრისით.

ვფიქრობთ, რომ მომავალში უფრო ინვესტორებს ვეკონტაქტოთ. პროექტი არის კომპლექსური. გეთანხმებით, რომ მიმდინარე საარბიტრაჟო დავამ, რომელიც წინა ინვესტორების მხრიდან არის გაჩაღებული, ამ პროექტს გარკვეული დარტყმა მიაყენა. თავი რომ დავანებოთ იმას, რომ ამდენი წელია ვერ განხორციელდა. ახლა ჩვენ დღეს ოპერირებადი პორტი უნდა გვქონოდა და ამის მაგივრად, ჯერ კიდევ პროექტი გვაქვს. მეორე მხრივ, ამაში დადებითსაც ვხედავ იმიტომ, რომ უფრო სანდო ინვესტორების მოძებნა იქნება შესაძლებელი. ჩვენ გვაქვს სურვილი, რომ საერთაშორისო ტენდერი გამოცხადდეს“, - განაცხადა თურნავამ.

მან აღნიშნა, რომ კორონავირუსის პანდემიის მიუხედავად, საქართველოს გავლით ტვირთების ტრანზიტი არ შემცირებულა და რიგი მიმართულებებით გაიზარდა კიდეც.

„მაგალითად, კონტეინერების მიმართულებით გაიზარდა. ეს კვლავ ძალიან მიმზიდველი სფეროა“,- განაცხადა თურნავამ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი