დავით სერგეენკო - მოწინააღმდეგეთა რაოდენობაც დიდია, რა ქნან ახლა, ის ადამიანებიც გამოვიდნენ და დაუპირისპირდნენ? - პოლიტიკური საკითხები ქუჩაში არ უნდა წყდებოდეს
პოლარიზება უნდა შემცირდეს, მაგრამ ამისთვის არის ლეგიტიმური გზები და არა ქუჩის გამოსვლები - მოწინააღმდეგეთა რაოდენობაც საკმაოდ დიდია, რა ქნან ახლა, ის ადამიანებიც გამოვიდნენ და დაუპირისპირდნენ?- ასე პასუხობს პარლამენტის ვიცე- სპიკერი დავით სერგეენკო ჟურნალისტებთან მიხეილ სააკაშვილის მიმართვას, რომლითაც მან საჯარო მოხელეებს მიმართა და შერიგებაზე ისაუბრა.
სერგეენკოს თქმით, პოლიტიკური საკითხები ქუჩაში, აქციაზე არ უნდა წყდებოდეს.
„ჩემი აზრით, მიმდინარე მოვლენების მიბმა შერიგებასთან უადგილოა და შეიძლება დამაზიანებელიც იყოს. ყველა პარტიას ჰყავს მომხრეები და მოწინააღმდეგეები, რომლებიც არჩევანს აფიქსირებენ არჩევნებზე, ეს არის ლეგიტიმური. ყველას აქვს უფლება გამოხატოს პოზიცია, თუმცა ამის დაკავშირება განხეთქილება-შერიგებასთან სწორი არ არის. პოლარიზება რა თქმა უნდა, უნდა შემცირდეს, მაგრამ ამისთვის არის ლეგიტიმური და ინსტიტუციური გზები და არა ქუჩის გამოსვლები. ლეგიტიმური გზა არის არჩევნები. მოწინააღმდეგეთა რაოდენობაც საკმაოდ დიდია, რა ქნან ახლა, ის ადამიანებიც, გამოვიდნენ და დაუპირისპირდნენ? პოლიტიკური საკითხები ქუჩაში არ უნდა წყდებოდეს, უნდა წყდებოდეს პოლიტიკურ ინსტიტუციებში,“ - განაცხადა სერგეენკომ.
v-if="article.gallery" v-html="article.gallery"
