პაატა მანჯგალაძე - გამარჯვება დროზე ადრე არ უნდა ვიზეიმოთ, რადგან „ქართულ ოცნებას" ჯერ კიდევ გააჩნია ადმინისტრაციული რესურსი
გამარჯვება დროზე ადრე არ უნდა ვიზეიმოთ, რადგან „ქართულ ოცნებას" ჯერ კიდევ, სამწუხაროდ, გააჩნია ადმინისტრაციული რესურსი, - ამის შესახებ ჟურნალისტებთან „სტრატეგია აღმაშენებლის" დეპუტატმა, პაატა მანჯგალაძემ განაცხადა.
მისივე თქმით, თვითმმართველობების დონეზე ოპოზიციის გამარჯვება არ ნიშნავს რევოლუციურ შტაბებს და არეულობას.
„ამ ქვეყანაში ერთპარტიული მმართველობა უნდა დასრულდეს. „ქართულ ოცნებას" აქვს როგორც ადამიანური, ასევე ფინანსური და ადმინისტრაციული რესურსი, დაშინების რესურსი. ამიტომ, ხალხთან მუდმივი კომუნიკაცია გვჭირდება, რომ დავარწმუნოთ, მოსყიდვისა და შიშის მიუხედავად თავისუფალი არჩევანი გააკეთონ. გამარჯვება დროზე ადრე არ უნდა ვიზეიმოთ, რადგან "ქართულ ოცნებას" ჯერ კიდევ, სამწუხაროდ, გააჩნია ადმინისტრაციული რესურსი,"- განაცხადა მანჯგალაძემ.
