რუსეთში ალკოჰოლით მოწამვლის შედეგად დაღუპულთა რიცხვი გაიზარდა
რუსეთში, სვერდლოვსკის ოლქში, ეკატერინბურგში მეთანოლით მოწამვლის შედეგად გარდაცვლილთა რაოდენობა 24-მდე გაიზარდა. ამის შესახებ ინფორმაციას რუსული მედია სახელმწიფო პროკურატურის განცხადებაზე დაყრდნობით ავრცელებს.
„ დაიღუპა 24 ადამიანი”, - განაცხადა პროკურორმა.
მანამდე ინფორმაცია 18 დაღუპულზე ვრცელდებოდა.
რამდენიმე დღის წინ ეკატერინბურგში გავრცელდა ინფორმაცია მეთილის სპირტით მოწამვლის შედეგად გარდაცვლილ 18 ადამიანზე. ოლქის საგამოძიებო კომიტეტის ფილიალის ინფორმაციით, აღნიშნულთან დაკავშირებით სისხლის სამართლის საქმე აღიძრა. გამოძიების თანახმად, 7 ოქტომბრიდან 14 ოქტომბრის ჩათვლით ეკატერინბურგში მეთილის სპირტი რამდენიმე ადამიანმა გაყიდა. საგამოძიებო კომიტეტის თქმით, დანაშაულის ადგილი გაჩხრეკილია, დაკითხული არიან მოწმეები და დანიშნულია ექსპერტიზა.
პოლიციას ორი ეჭვმიტანილი, 1978 და 1967 წლებში დაბადებული ადგილობრივი მცხოვრებლები ჰყავს დაკავებული.
v-if="article.gallery" v-html="article.gallery"
