გიგი უგულავას განცხადებით, ხელისუფლება მხოლოდ ლანძღვით არ შემოიფარგლება და „უდანაშაულო მოქალაქეების, ყოფილი ძალოვნების დაპატიმრება დაიწყეს“

ხელისუფლებამ უნდა იცოდეს, რომ აქ, სამეგრელოში, ბრაზს ძალიან გულით, ექსპრესიულად და ემოციურად გამოხატავენ, მაგრამ არსებობს ბრაზის კიდევ ერთი ფორმა, ეს არის მშვიდი ბრაზი. ვინც დღეს ხელისუფლებაში ხართ იცოდეთ, რომ მშვიდად გამოხატულ ბრაზზე უფრო ძლიერი, არაფერია“, - ამის შესახებ ფოთის მერობის კანდიდატმა გიგი უგულავამ ბრიფინგზე განაცხადა.

როგორც უგულავა განმარტავს, სამეგრელოში ოპოზიციის მაჟორიტარობის კანდიდატების მოქმედების პრინციპი იქნება - ყველა ერთისთვის და ერთი - ყველასთვის.

„ხელისუფლება მხოლოდ ლანძღვით არ შემოიფარგლება. დაიწყეს მოქმედება, სრული უკანონობა, დაიწყეს თავისუფალი, უდანაშაულო მოქალაქეების, ყოფილი ძალოვნების პირდაპირ პოლიტიკური დაპატიმრება.

სწორედ ამიტომ, ჩვენ ოპოზიციის ყველა მაჟორიტარობის კანდიდატი, ყველა ოპოზიციური პარტიის ლიდერი შევიკრიბეთ ზუგდიდში, იმისთვის, რომ განვაცხადოთ შემდეგი: ჩვენი მოქმედების პრინციპი იქნება - ერთი ყველასთვის და ყველა- ერთისთვის. ხობში დაიჭერენ უკანონოდ, „ჩადებით“, დამცირებით ადამიანებს, ჩვენ ყველა მის გვერდით ვიქნებით. ზუგდიდში მოხდება ეს? ჩვენ ყველა მის გვერდზე ვიქნებით, ფოთში მოხდება ეს? ჩვენ ყველა ერთად ვიქნებით, ერთად ვიბრძოლებთ. ეს არის თითოეული ჩვენი თანამოქალაქის, სამეგრელოს კუთხეში მცხოვრები, გაბრაზებული ადამიანის გულისთქმა. დიახ, მეგობრებო, გაბრაზებული ადამიანის. ხელისუფლებამ უნდა იცოდეს, რომ აქ, სამეგრელოში, ბრაზს გულით, ექსპრესიულად და ემოციურად გამოხატავენ, მაგრამ არსებობს ბრაზის კიდევ ერთი ფორმა, ეს არის მშვიდი ბრაზი. ვინც დღეს ხელისუფლებაში ხართ, იცოდეთ, რომ მშვიდად გამოხატულ ბრაზზე უფრო ძლიერი, არაფერია“,- აღნიშნავს უგულავა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს