გიგი უგულავა - ეს ბრძოლა არის მიხეილ სააკაშვილის თავისუფლებისთვის, ეს ბრძოლა არის იმისთვის, რომ მიხეილ სააკაშვილი იყოს უკანასკნელი პოლიტპატიმარი ამ ქვეყანაში

ეს ბრძოლა არის მიხეილ სააკაშვილის თავისუფლებისთვის, -ამის შესახებ ფოთის მერობის კანდიდატმა, გიგი უგულავამ ზუგდიდში, ოპოზიციის აქციაზე განაცხადა.

მისი თქმით, მიხეილ სააკაშვილი უნდა იყოს უკანასკნელი პოლიტპატიმარი ამ ქვეყანაში.

„როდესაც ხელისუფლებას უსინდისობის და მარაზმის მეტი არაფერი აქვს შესათავაზებელი, ჩვენი პასუხი მხოლოდ შეიძლება იყოს ერთი - ეს არის გამარჯვება. როდესაც ხელისუფლებას პედაგოგები, ექიმები, უბრალო სახელმწიფო მიხელეები 400 კმ-ზე მიჰყავს იმიტომ, რომ მარტო ტაში აკვრევინოს და ის ხალხი ტაშს არ უკრავს, ჩვენი ამოცანა უნდა იყოს, გავათავისუფლოთ ის ხალხი, გავათავისუფლოთ ყველა ადამიანი, იმიტომ, რომ ეს ბრძოლა არის თავისუფლებისთვის, ეს ბრძოლა არის მიხეილ სააკაშვილის თავისუფლებისთვის, ეს ბრძოლა არის იმისთვის, რომ ამ ქვეყანაში აღარასდროს არავინ აღარ იყოს პოლიტპატიმარი, რომ მიხეილ სააკაშვილი იყოს უკანასკნელი პოლიტპატიმარი ამ ქვეყანაში“,-განაცხადა უგულავამ.

მისი თქმით, ოპოზიცია იბრძვის არა ერთი პარტიის მეორით ჩანაცვლებისთვის, არამედ კოალიციური მმართველობისთვის. უგულავს შეფასებით, სწორედ ეს არის ის მმართველობა, რომელიც თითოეულ ადამიანს „სიკეთეს მოუტანს“.

„უბადრუკია ის ხელისუფლება, რომელსაც ჰგონია, რომ ხელისუფლების მიტინგები რაოდენობით იზომება. სამარცხვინოა ხელისუფლების მიტინგები იმის ნაცვლად, რომ ხალხის გასაჭირზე საუბრობდნენ, იმის მაგივრად, რომ ის ფული თუნდაც გაჭირვებული ადამიანებისთვის დაერიგებინათ, მაგრამ ამას თავი რომ დავანებოთ, ხელისუფლების მიტინგი არის მარაზმი, ჩვენ დავინახეთ, როგორ სწრაფად, უემოციოდ იშლებოდნენ ის ადამიანები. ჩვენ არ უნდა შევიზიზღოთ ის ხალხი, ისინი ჩვენი თანამოქალაქეები არიან“,-განაცხადა უგულავამ.

მისი თქმით, დღეს მოქალაქეებს ხელისუფლების ეშინიათ და ეს საბოლოოდ უნდა დასრულდეს.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია