ევროპარლამენტარებით დაკომპლექტებული სადამკვირვებლო მისია საქართველოშია. დღეს ევროპარლამენტარები ინესე ვაიდერე, ხავიერ ნარსი და რიჩარდ თარნეცკი პოლიტიკური პარტიის ლიდერებს სასტუმრო „შერატონ მეტეხი პალასში“ ხვდებიან.
შეხვედრაზე უკვე იმყოფებოდა „ნაციონალური მოძრაობის“ ლიდერი ნიკა მელია. ასევე შეხვედრა უკვე დატოვა პარტია „საქართველოსთვის“ ერთ-ერთმა ლიდერმა ნათია მეზვრიშვილმა.
ამ წუთებში ევროპარლამენტარებს „ქართული ოცნება-დემოკრატიული საქართველოს“ თავმჯდომარე ირაკლი კობახიძე ხვდება.
როგორც შეხვედრიდან გამოსულმა პოლიტიკურმა ლიდერებმა განაცხადეს, შეხვედრა კითხვა-პასუხის რეჟიმში მიმდინარეობდა, სადაც მათ სადამკვირვებლო მისიის წევრებს წინასაარჩევნო გარემოსთან დაკავშირებით მიაწოდეს ინფორმაცია.