BTU მაგისტრანტობის კანდიდატებისთვის მასშტაბურ პროექტს აანონსებს

საქართველოს მასშტაბით სამაგისტრო პროგრამებზე ჩაბარების მსურველთათვის ბიზნესისა და ტექნოლოგიების უნივერსიტეტი მასშტაბურ, ერთწლიან, პროექტს აანონსებს. საერთო სამაგისტრო გამოცდებისთვის მოსამზადებელი, სრულად დაფინანსებული მოდულები, გადამზადების პროგრამა ინგლისურ ენაში, მსხვილი ადგილობრივი და საერთაშორისო ორგანიზაციების ჩართულობით გამართული პროფესიული ორიენტაციის პროგრამები, ტრენინგები სტარტაპის შესაქმნელად, ბიბლიოთეკის აქტივობები - საუკეთესო სამეცნიერო ბაზები, სამეცნიერო საათები, მსხვილი ელექტორნული რესურსების ბაზა, მედიაწიგნიერების ტრენინგები, Networking სესიები, MBA და DevOps Talks, გადამზადების მოდულები ლაბების ფარგლებში, მეწარმეობის ცენტრი, Amazon-ის ვებსერვისების კურსები და სხვა - ასეთია ჩამონათვალი იმ აქტივობებისა, რომლებსაც BTU სამაგისტრო პროგრამებზე ჩაბარების მსურველებს საჩუქრად შესთავაზებს.

ბიბლიოთეკა მაგისტრანტობის კანდიდატებისთვის გულისხმობს წვდომას უახლეს საგანმანათლებლო, სასწავლო მასალებზე სრულიად უფასოდ. ეს მათ შესაძლებლობას მისცემს მიიღონ უფრო მეტი ინფორმაცია მომავალ პროფესიაზე და ამასთან, გააკეთონ სწორი არჩევანი.

BTU-ში არსებულ მეწარმეობის ცენტრის სერვისებზე წვდომა ექნებათ სამაგისტრო პროგრამებზე ჩაბარების მსურველებს. შედეგად, ისინი მიიღებენ მაქსიმალურ ინფორმაციას მეწარმოების შესახებ და ასევე, ფინანსებთან წვდომის შესაძლებლობებს გაეცნობიან, ისწავლიან რა არის საჭირო და როგორ უნდა შექმნან წარმატებული სტარტაპი.

მაგისტრანტობის კანდიდატებისთვის ჩატარდება DevOps და MBA Talks, რომლის ფარგლებშიც ისინი სფეროს წამყვან წარმომადგენლებს შეხვდებიან და მათგან მიიღებენ საინტერესო და აქტუალურ ინფორმაციას.

საერთო სამაგისტრო გამოცდის მოსამზადებელი ტრენინგები, ოთხივე მიმართულებით, სრული დაფინანსებით რამდენიმე სესიად ჩატარდება.

შიდა საუნივერსიტეტო გამოცდებისთვის მოსამზადებელი ტრენინგები ინგლისურ ენასა და სპეციალობის გამოცდაში.

დროის მენეჯმენტის ტრენინგი ბენეფიციარებს დაეხმარება, დაძლიონ ისეთი გამოწვევები, როგორიცაა სტრესული გარემო, დროის დეფიციტი, მულტითასქინგი სამაგისტრო პროგრამაზე ჩაბარებამდე და სხვა.

მასშტაბურ პროექტში ბიზნესისა და ტექნოლოგიების უნივერსიტეტის პარტნიორი 100-მდე სხვადასხვა ორგანიზაცია ერთვება. აქტივობები სრული დაფინანსებით გაიმართება და მასში მონაწილეობა წინასწარ რეგისტრირებულ ნებისმიერ მსურველს შეეძლება.

უნივერსიტეტში სამაგისტრო საფეხურზე 2 აკრედიტებული პროგრამა მოქმედებს:

  • სამაგისტრო პროგრამა ,,ბიზნესის ადმინისტრირება და თანამედროვე ტექნოლოგიები’’
  • სამაგისტრო პროგრამა ,,ინფორმაციული სისტემების მართვა DevOps’’

პროექტში მონაწილეობის მსურველ მაგისტრანტობის კანდიდატთა რეგისტრაცია მიმდინარეობს ბმულზე

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“