ბადრი ჯაფარიძე - განზრახვა გვაქვს ფრაქცია გავაფართოვოთ და გავაძლიეროთ და ამაზე ვმუშაობთ
ჩვენ გვაქვს განზრახვა გავაფართოვოთ და გავაძლიეროთ ფრაქცია და ვმუშაობთ ამაზე,- ამის შესახებ ფრაქცია "ლელო - პარტნიორობა საქართველოსთვის" თავმჯდომარე ბადრი ჯაფარიძემ განაცხადა.
ვინ შეუერთდება ფრაქციას, ჯაფარიძე არ აკონკრეტებს, თუმცა, როგორც აღნიშნავს, კონსულტაციები ამასთან დაკავშირებით დაწყებულია.
“პარლამენტში ვინც ვრჩებით, ვაპირებთ გავაგრძელოთ ჩვენი აქტიური საქმიანობა, რომ ყველა ის ინიციატივა, რომელიც გამომდინარეობდა შარლ მიშელის შეთანხმებიდან, ეს საკითხები წამოვწიოთ მუდმივად, მიუხედავად „ქართული ოცნების“ წინააღმდეგობისა და ვამხილოთ ის, რაც ქვეყნის ინტერესების საწინააღმდეგოდ მიგვაჩნია. მამუკა ხაზარაძემ როცა გადაწყვიტა დათანხმებულიყო მერის მოადგილის კანდიდატობას, მაშინ მიიღო ეს გადაწყვეტილება, რომ პარალამენტს დატოვებდა, რაც გაახმაურა გუშინ და გაასაჯაროვა,"- განცხადა ჯაფარიძემ.
v-if="article.gallery" v-html="article.gallery"
