გუდაურში მომხდარ მკვლელობაში ბრალდებულის საქმის პროკურორის განცხადებით, კონფლიქტი სწორედ მერაბ კობიაშვილმა დაიწყო

გუდაურში მომხდარ მკვლელობაში ბრალდებულ მერაბ კობიაშვილის საქმის პროკურორის, დავით ყაზარაშვილის განცხადებით, კონფლიქტი სწორედ კობიაშვილმა დაიწყო. პროკურორის განმარტებით, ბრალდებული აუცილებელი მოგერიების ფარგლებში არ მოქმედებდა და ეს იყო განზრახ მკვლელობა.

"ბრალდების მხარემ ნაფიც მსაჯულთა სასამართლოს მოვახსენეთ ყველა ის გარემოება, რაც 2020 წლის 16 თებერვალს მოხდა გუდაურში. კერძოდ ის, რომ კონფლიქტი მერაბ კობიაშვილმა დაიწყო, ის სასტიკად გაუსწორდა ჯერ 18 წლის ახალგაზრდას, შემდეგ მის მიმართაც იყო ანგარიშსწორება. მერაბ კობიაშვილმა ასევე განზრახ მოკლა 28 წლის ახალგაზრდა, ერთი ახალგაზრდა ასევე სასიკვდილოდ გაიმეტა.

რაც შეეხება ბრალდების მხარის მტკიცებულებებს, სასამართლოში წარვადგენთ როგორც ვიდეომასალას, ასევე მოწმეს, რომელიც ფაქტის შემსწრეა, რითაც ნაფიც მსაჯულთა სასამართლო დარწმუნდება რომ მერაბ კობიაშვილის მიერ არის ჩადენილი ის დანაშაულები, რაშიც ბრალი ედება. გუშინდელ სხდომაზე დაცვის მხარემ ბევრი ისაუბრა მოგერიებაზე, ერთადერთი რაზეც ისინი უთითებენ ფეხის მიმართულებით გასროლილი ტყვიაა, თუმცა, არანაირ აუცილებელ მოგერიებას ადგილი არ ჰქონია, პირიქით, ნაფიც მსაჯულთა სასამართლოს დავარწმუნებთ იმაში, რომ აუცილებელი მოგერიების ფარგლებში იყვნენ თამაზ გორთამაშვილი და დავით სეთურიძე", - განაცხადა ყაზარაშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება