ნიკა მელია - რეალურად დაგვიანონსეს სააკაშვილის მკვლელობა, გაცხადებული მკვლელობა, მიხეილ სააკაშვილის სიცოცხლე გადასარჩენია!

რეალურად დაგვიანონსეს მიხეილ სააკაშვილის მკვლელობა, გაცხადებული მკვლელობა, ესეც ცხადზე უცხადესია, - ამის შესახებ „ერთიანი ნაციონალური მოძრაობის“ თავმჯდომარემ ნიკა მელიამ რუსთავის ციხესთნ მიმდინარე აქციაზე განაცხადა.

როგორც მან აღნიშნა, გამარჯვებამდე „სახლებში შესვლა არ იქნება, ვინაიდან მიხეილ სააკაშვილის სიცოცხლე გადასარჩენია“.

„როცა ხელისუფლება ძალადობას ასაღებს არჩევნებად, როცა ხელისუფლება პოლიტიკურ დევნას ასაღებს მართლმსაჯულებად, როდესაც ხელისუფლება პოლიტიკურ პოლიციას გისაღებს ხალხზე მზრუნველ პოლიციად, როდესაც პროტესტის უკიდურეს ფორმას - შიმშილობას ხელისუფლება გისაღებს დიეტად, როდესაც კორუფციაში იხრჩობა ხელისუფლება, მოსახლეობა ღარიბდება, როდესაც დაგცინიან და გეუბნებიან, რომ არჩვენებს აღარ ჩაატარებენ არასოდეს და გეუბნებიან, რომ მუდმივად ისინი უნდა იყვნენ ხელისუფლებაში, არადა ვითარება, განწყობა საზოგადოებაში რბილად რომ ვთქვათ, განსხვავებულია, დღეს ჩვენ ხელისუფლებაში გვყავს ძალა, რომელიც უმცირესობის მხარდაჭერით არის მოკალათებული იქ, სადაც არ უნდა იყვნენ. მათ არ აქვთ ლეგიტიმაცია, ისინი არ არიან საზოგადოების უმრავლესობის მიერ მხარდაჭერილი. ეს არის ცხადზე უცხადესი და წერტილი უნდა დავუსვათ, ამაზე საუბარი აღარ უნდა შედგეს.

დღეს, რაც დამატებით იკადრა ხელისუფლებამ, რეჟიმმა, ივანიშვილმა, კალაძემ, კობახიძემ, ღარიბაშვილმა და სხვებმა, რეალურად დაგვიანონსეს მიხეილ სააკაშვილის მკვლელობა, გაცხადებული მკვლელობა, ესეც ცხადზე უცხადესია. ჩვენ ისიც არ უნდა დაგვავიწყდეს, რისთვის მიიტანა საკუთარი ჯანმრთელბა და სიცოცხლე სამხვერპლოზე მიხეილ სააკაშილმა და რისთვის ვიბრძვით ჩვენ. ვიბრძვით იმისთვის, რომ მიტაცებული სახელმწიფო უკან დავიბრუნოთ და აუცილებლად დავიბრუნებთ. ქალაქ-ქალაქ ვიარე და განგებ ვდებდი ფიცს, რომ საქართველოს ძალიან ბევრ ათას მოქალაქესთან ერთად აუცილებლად გამარჯვებულები შევალთ სახლებში, წინააღმდეგ შემთხვევაში, სახლებში შესვლა აღარ იქნება. დასრულებულია, ეს საკითხი არის გადაწყვეტილი, მაგრამ მიხეილ სააკაშვილის სიცოცხლე არის გადასარჩენი“, - განაცხადა მელიამ.