იანვარ-სექტემბრში საერთაშორისო მოგზაურებიდან საქართველომ 866 მლნ დოლარის შემოსავალი მიიღო

ტურიზმის ეროვნული ადმინისტრაციის ცნობით, იანვარ-სექტემბერში საერთაშორისო მოგზაურებიდან საქართველომ 866 მლნ დოლარის შემოსავალი მიიღო.

„წინასწარი მონაცემებით, 2021 წლის სექტემბრის თვის მდგომარეობით, საქართველოში საერთაშორისო მოგზაურობიდან შემოსავალი 161,862,751 აშშ დოლარს შეადგენს (ზრდა +933%), რაც 146,187,024 დოლარით მეტია 2020 წლის ანალოგიურ მაჩვენებელზე. 2019 წლის სექტემბერთან შედარებით კი კლება -156,770,174 დოლარს შეადგენს (კლება -49%).

ტურიზმის ეროვნული ადმინისტრაციის ინფორმაციით, საქართველოში საერთაშორისო მოგზაურობიდან 2021 წლის იანვარი-სექტემბრის შემოსავალი 865,654,831 დოლარს შეადგენს, რაც 366,579,535 მეტია 2021 წლის ანალოგიურ მაჩვენებელზე (ზრდა +73%). 2019 წლის ანალოგიურ პერიოდთან შედარებით კი -1,717,184,741 დოლარით ნაკლებია (კლება -66%)“, - აღნიშნულია ტურიზმის ერონული ადმინისტრაციის მიერ გავრცელებულ ინფორმაციაში.