დღეს იქნება აქცია, რომელიც მიხეილ სააკაშვილის ციხიდან გათავისუფლებას ეხება - ამ მოძრაობის მთელი არსი ეს არის. ყველაფერი სააკაშვილის გარშემო ტრიალებს, - ამის შესახებ ჟურნალისტებს “ქართული ოცნების“ ერთ-ერთმა ლიდერმა შალვა პაპუაშვილმა განუცხადა.

პაპუაშვილი იმასაც ამბობს, რომ ოპოზიციისთვის ქვეყანას, მუნიციპალიტეტს, ეკონომიკას, კოვიდპანდემიას მნიშვნელობა არ აქვს.

“კონსილიუმის არც ერთ დასკვნაში არ არის რეკომენდაცია, რომ სააკაშვილის გადაყვანა კერძო კლინიკაში მოხდეს. პირიქით, დასკვნა ამბობს, რომ ციხის სამედიცინო დაწესებულებაში ყოფნა არის საკმარისი, ამიტომ, თემა რატომ არ გადაჰყავთ, არის მოგონილი და ტყუილი. არსად არ არის ნათქვამი, რომ 39 დღის მანძილზე მას სჭირდებოდა გადაყვანა რომელიმე სამედიცინო დაწესებულებაში. ეს არის სპეკულაცია და იქითკენ არის მიმართული, რომ საკუთარი მომხრეები ემოციურად დამუხტონ“, - აცხადებს შალვა პაპუაშვილი.