პოლიტიკური პატიმრის, მიხეილ სააკაშვილის გადაყვანით გლდანის საპატიმრო დაწესებულებაში ხელისუფლება ცდილობს მის პოლიტიკურ დამცირებას, - ასე ეხმაურება „ევროპული საქართველოს“ ლიდერი გიგა ბოკერია მიხეილ სააკაშვილის გლდანის ციხის სამკურნალო დაწესებულებაში გადაყვანის ფაქტს.

მისი თქმით, „ქართული ოცნება“ ცეცხლს ნავთს ასხამს ასეთი ნაბიჯით.

„ეს ნაბიჯი უპასუხისმგებლობაზე და უტიფრობაზე ბევრად უფრო მეტია. როცა ხელისუფლებაში ხარ და შენ მიერვე შექმნილ პრობლემას, პოლიტიკური დევნის გამო, იმ რეაქციას, რაც ვნახე, ზემოდან ცეცხლს ნავთს ასხამ ასეთი დემონსტრატიული ნაბიჯით, პოლიტიკური პატიმრის სააკაშვილის გადაყვანით გლდანის საპატიმრო დაწესებულებაში, მისი პოლიტიკური დამცირებისთვის და რაც მთავარია, ამ საპროტესტო ტალღის კიდევ უფრო გამოწვევისთვის, ეს არის უზარმაზარი უპასუხისმგებლობა საკუთარი ქვეყნის და მთლიანად საზოგადოების წინაშე“, - განაცხადა ბოკერიამ.