ამირან გამყრელიძის განცხადებით, გუშინდელი მონაცემებით, გრიპის ვაქცინით 47 ათასამდე ადამიანია აცრილი

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, გუშინდელი მონაცემებით, გრიპის ვაქცინით 47 ათასამდე ადამიანია აცრილი.

ამასთან, როგორც გამყრელიძემ აღნიშნა, გრიპის ვაქცინებისადმი მოთხოვნა არის.

„როგორც ვიცი, მოთხოვნილება არის. გუშინდელი რიცხვით 47 ათასამდე ადამიანი იყო აცრილები. ეს არც ძალიან კარგია, არც ძალიან ცუდი. გრიპის 200 ათასი დოზა ვაქცინა შეიძინა სახელმწიფომ და სასურველია, რომ მოსახლეობა, პირველ რიგში, რისკ ჯგუფები აიცრან. განსაკუთრებით მოვუწოდებ ორსულ ქალბატონებს. ამ ორივე ვირუსს - კორონასა და გრიპის ვირუსს, განსაკურებული ტროპიზმი აქვს ორსული ქალბატონებისადმი. ვთხოვ მათ, ორივე ვაქცინაზე აიცრან“,- განაცხადა გამყრელიძემ.