ელენე ხოშტარია - სამედიცინო ჩარევას იმ შემთხვევაში მივიღებ, როცა სასიცოცხლო პარამეტრებს შეეხება, არ მინდა ვინმემ ინერვიულოს და დაპანიკდეს - ერთ გადასხმას დავთანხმდი

სამედიცინო ჩარევას მხოლოდ იმ შემთხვევაში მივიღებ, როდესაც სასიცოცხლო პარამეტრებს შეეხება, - ამის შესახებ „დროას“ ლიდერმა, ელენე ხოშტარიამ ჟურნალისტებს განუცხადა.

მისი თქმით, რამდენიმე მაჩვენებელი სამედიცინო ჩარევას მოითხოვს.

„სამედიცინო ჩარევას მხოლოდ იმ შემთხვევაში მივიღებ, როდესაც სასიცოცხლო პარამეტრებს შეეხება. რამდენიმე ანალიზში არის ცვლილება, რამდენიმე მაჩვენებელი, თირკმლის და ნერვოლოგიური, ამ ჩარევას მოითხოვს. არ მინდა ვინმემ ინერვიულოს და დაპანიკდეს. ეს ის არ არის, რომ მე ახლა ვკვდები და ა.შ. არ გვინდა ზედმეტი მღელვარება. უბრალოდ, თუ ახლა თირკმელზე და ნერვოლიგიურზე სამედიცინო ჩარევას არ მივიღებ, შეიძლება რაღაც ძალიან ცუდი მოხდეს. ამიტომ, ერთ გადასხმას დავთანხმდი. ერთმა გადასხმამ ეს პარამეტრები არ გააუმჯობესა. ის ისევ კრიტიკულ, დაბალ ზღვარზეა. დავთანხმდი მეორე გადასხმას და სანამ ეს საფრთხე არ მოიხსნება, მედიკამენტებს მივიღებ. არ მივიღებ კალორიებს, დანამატებს. ამას იმიტომ არ ვაკეთებ, რომ შევიმსუბუქო მდგომარეობა, არამედ იმისთვის, რომ მდგომარეობა კრიტიკულად არ დამძიმდეს“, - განაცხადა ხოშტარიამ.

ცნობისთვის, „დროას“ ლიდერი, ელენე ხოშტარია პარლამენტში მე-9 დღეა შიმშილობს. ის მიხეილ სააკაშვილის სამოქალაქო, მრავალპროფილურ კლინიკაში გადაყვანას მოითხოვს.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით