სახალხო დამცველი აპირებს, სტრასბურგის სასამართლოს თხოვნით მიმართოს, რომ ამ საქმეში ჩართოს მესამე მხარედ, - ამის

შესახებ მიხეილ სააკაშვილის მოსანახულებლად მისულმა სახალხო დამცველმა, ნინო ლომჯარიამ გლდანის ციხეში შესვლამდე განაცხადა.

როგორც მან აღნიშნა, ის იმედოვნებს, რომ სტრასბურგის სასამართლო მის თხოვნას დააკმაყოფილებს.

„ჩვენ გვქონია შემთხვევები, როდესაც სტრასბურგი ასეთ თხოვნას ეთანხმება და სახალხო დამცველს მესამე მხარედ რთავს. იმედს ვიტოვებთ, თუ სტრასბურგის სასამართლო მიიღებს ჩვენს თხოვნას. ასევე, მიხეილ სააკაშვილის ჯანმრთელობის მდგომარეობის შესახებ ჩვენ მიერ მოპოვებულ ინფორმაციას აუცილებდად წარვადგენთ.

ჩვენ ნებისმიერ დროს, დაუბრკოლებლად უნდა მოგვეცეს საშუალება, რომ შევიდეთ და ვნახოთ პატიმარი. დღის და ღამის რა მონაკვეთიც არ უნდა იყოს და რა ტიპის ციხეც არ უნდა იყოს. მიხეილ სააკაშვილთან ვიზიტის დროს ჩვენ დაბრკოლება არასდროს შეგვქმნია“, - განაცხადა ნინო ლომჯარიამ.