გიორგი გრიგოლია სააკაშვილზე - პაციენტის მკურნალობის გაგრძელება N18 დაწესებულებაში ძალიან სახიფათოა

ჩვენ ვთვლით, რომ ეს დაწესებულება არ არის იმისთვის მზად, რომ ასეთ კრიტიკულ მდგომარეობაში მყოფ პაციენტს გაეწიოს სათანადო მკურნალობა“, - ამის შესახებ სახალხო დამცველის მიერ შექმნილი ექპსერტთა ჯგუფის წევრმა გიორგი გრიგოლიამ განაცხადა.

როგორც ის აღნიშნავს, სამედიცინო კონსილიუმმა ეს დასკვნა მიხეილ სააკაშვილის ჯანმრთელობის მდგომარეობის შესწავლისა და გლდანის ციხის სამედიცინო ცენტრზე დაკვირვების შედეგად მიიღო.

„ჩვენ გუშინ საღამოს 8:00 საათზე ვიყავით გლდანის მე-18 დაწესებულებაში, სადაც დაახლოებით 4 საათი დავყავით. ორ ჯგუფად დავიყავით, 2 თერაპევტი შევიდა მიხეილ სააკაშვილის გასასინჯად, ანამნეზის შესაკრებად, მისი მდგომარეობის შესაფასებლად, რაც დაახლოებით 40 წუთი გრძელდებოდა. მეორე ჯგუფი გაეცნო დაწესებულების ინფრასტრუქტურას, ვნახეთ რა აქვს ამ დაწესებულებას, ვესაუბრეთ ექიმებს, მორიგე პერსონალს, სამედიცინო დირექტორს.

დღეს მივედით კონსენსუსამდე, რაც გამოქვეყნდება დასკვნის სახით. მიხეილ სააკაშვილის მდგომარეობა ჩვენ შევაფასეთ, როგორც კრიტიკული, რაც 48-დღიანი შიმშილობის შედეგია. მას ენცეფალოპატიის ნიშნები აქვს, მას პერსისტენტული ჰიპოკალიემია, ანუ კალიუმის ნაკლებობა, აქვს ჰემოგლობინის დაბალი ნიშნული და გასტრდეოდონალური სისხლდენის ნიშნები, რაც ჯდება კრიტიკული მდგომარეობის სტატუსში“, - განაცხადა გრიგოლიამ.

გრიგოლიას თქმით, მონიტორინგის დროს მათ გლდანის ციხის პერსონალს ჰკითხეს გართულებების შემთხვევაში, რას გააკეთებენ, რაზეც პასუხი მიიღეს, რომ გადაიყვანენ.

„ჩვენ ვკითხეთ გლდანის ციხის მედპერსონალს - რომ დაიწყოს სიცოცხლისთვის ძალიან სერიოზული გართულებები, როგორიც არის ინფარქტი, ემბოლია, ინსულტი, რას აკეთებენ ასეთ შემთხვევაში? გვითხრეს, რომ პაციენტი იქნება ტრანსპორტირებული შესაბამის დაწესებულებაში. თუ ასეთი სერიოზული გართულებების დროს შესაძლებელია ადამიანის ტრანსპორტირება მულტიპროფილურ დაწესებულებაში, რატომ არ შეიძლება ადამიანი გადავიდეს, როდესაც ის კრიტიკულ მდგომარეობაში იმყოფება და მას სჭირდება ინტენსიური თერაპია?”, - განაცხადა გიორგი გრიგოლიამ.

მისივე თქმით, მიხეილ სააკაშვილის ასეთ დაწესებულებაში დატოვება ძალიან სახიფათოა.

„აქედან გამომდინარე, ყველა ერთმანეთს დავეთანხმეთ, რომ ძალიან სახიფათოა ამ პაციენტის ამ დაწესებულებაში მკურნალობის გაგრძელება. თუ გავითვალისწინებთ იმასაც, რომ მიხეილ სააკაშვილი სუბიექტურად გრძნობს დისკომფორტს ამ დაწესებულებაში, რაზეც მან მოგვახსენა. გაცილებით უფრო უკეთესად გრძნობდა თავს პირველ დაწესებულებაში. ეს არ უწყობს ხელს ადეკვატურ მკურნალობას“, - განაცხადა გიორგი გრიგოლიამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა