ვაქცინაციის წამახალისებელი პროგრამის ფარგლებში, 21 ნოემბერს სამტრედიაში, რკინიგზის მიმდებარე სკვერში ღონისძიება გაიმართება

ვაქცინაციის წამახალისებელი პროგრამის ფარგლებში 21 ნოემბერს სამტრედიაში, რკინიგზის მიმდებარე სკვერში ღონისძიება გაიმართება.

ღონისძიებაზე მისულ სტუმრებს შესაძლებლობა ექნებათ, ადგილზე გაიკეთონ კორონავირუსის საწინააღმდეგო აცრა „ფაიზერის“, „სინოფარმისა“ და „სინოვაკის“ ვაქცინებით. დაინტერესებულ პირებს სამედიცინო სფეროს წარმომადგენლები ვაქცინაციასთან დაკავშირებით კონსულტაციებს გაუწევენ. მათ ასევე, გადაეცემათ სხვადასხვა სასაჩუქრე ვაუჩერი.

ადგილზე განთავსებული იქნება იუსტიციის სახლის მობილური ჯგუფები და ვაქცინირებული პირები მათი მომსახურებით უფასოდ ისარგებლებენ.

ღონისძიება 14:00 საათზე დაიწყება.

სტუმრებს სიტყვით მიმართავენ სამტრედიის მუნიციპალიტეტის მერი დავით ბახტაძე; ეპიდემიოლოგები - კოტე გვეტაძე და დალი ქობულაძე.

ღონისძიების პირველი ნაწილი ბავშვებს დაეთმობა. მათ განწყობაზე ანიმატორები და ზღაპრის გმირები იზრუნებენ.

ტერიტორიაზე მოწყობილი იქნება მოსასვენებელი და კვების სივრცეები.

სტუმრების წინაშე სოლო პროგრამით წარსდგება ანდრია გველესიანი. დღის ბოლოს კი სცენა ზუკა ხუციშვილსა და მის ბენდს დაეთმობა.

ორგანიზატორების ცნობით, ღონისძიება კოვიდრეგულაციების სრული დაცვით გაიმართება.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“