ნიდერლანდებში სოციალური დისტანციის დაცვა სავალდებულო ხდება
ნიდერლანდებში, დღეიდან, სოციალური დისტანციის დაცვა სავალდებულო ხდება, - ინფორმაციას „ევრონიუსი“ ავრცელებს.
გამოცემის ცნობით, 18 წლის და უფროსი ასაკის პირები ვალდებულები იქნებიან, ერთმანეთისგან 1.5 მეტრიანი დაშორებით იმყოფებოდნენ. გამონაკლისი შეეხება მხოლოდ ერთსა და იმავე მისამართზე მცხოვრებ მოქალაქეებს.
ნიდერლანდებში, კორონავირუსით ინფიცირების შემთხვევების ზრდის გამო, 13 ნოემბერს სამკვირიანი ნაწილობრივი „ლოქდაუნი“ გამოცხადდა, რის გამოც ქვეყანაში ბარები და რესტორნები 20:00 საათზე, მაღაზიების უმეტესობა კი - 18:00 საათზე იხურება.
ნიდერლანდების ქალაქებში კოვიდშეზღუდვებს სამი დღის განმავლობაში აპროტესტებდნენ, რაც პოლიციასა და დემონსტრანტებს შორის დაპირისპირებაში გადაიზარდა. სამართალდამცავებმა აქციების დროს 145 ადამიანი დააკავეს.
This is a modal window.
v-if="article.gallery" v-html="article.gallery"
