მიხეილ სააკაშვილის დედა და ადვოკატები სასამართლოში შეუშვეს
თბილისის საქალაქო სასამართლოში, სადაც მიხეილ სააკაშვილის პროცესი უნდა გაიმართოს, მისი ადვოკატები და დედა, გიული ალასანია ცოტა ხნის წინ შეუშვეს.
აღსანიშნავია, რომ დაცვის მხარე და გიული ალასანია სასამართლოში შესვლის ნებართვას დაახლოებით ნახევარი საათის განმავლობაში ელოდებოდნენ.
ამასთან დაკავშირებით ადვოკატთა ასოციაციას მიმართა ადვოკატმა ნიკა გვარამიამ, რომ მათ უზრუნველეყოთ, დაცვის მხარეს პროცესზე შესვლის საშუალება ჰქონოდა. ამ მოთხოვნის გაჟღერების შემდეგ, რამდენიმე წუთში, ადვოკატებსა და ბრალდებულის დედას სასამართლოში შესვლის შესაძლებლობა მიეცათ.
ამასთან, აღსანიშნავია, რომ დღევანდელ პროცესზე მედიასაშუალებების მხრიდან დასწრების ნებართვა მხოლოდ საზოგადოებრივ მაუწყებელს ექნება.
ცნობისთვის, სასამართლოს მიმდებარე ტერიტორიაზე სააკაშვილის მხარდამჭერი აქცია მიმდინარეობს, ისმის შეძახილები: „თავისუფლება მიშას!“
v-if="article.gallery" v-html="article.gallery"
