დევიდ მარია სასოლი - ევროპარლამენტი უპირობოდ უჭერს მხარს ასოცირებული ტრიოს ინიციატივას და ევროკავშირთან მათი პარტნიორობის შემდგომ გაღრმავებას

ასოცირებული ტრიოს ინიციატივას და ევროკავშირთან მათი პარტნიორობის შემდგომ გაღრმავებას უპირობოდ უჭერს მხარს, - ამის შესახებ ევროპარლამენტის პრეზიდენტი დევიდ მარია სასოლი სოციალურ ქსელ „ტვიტერში" წერს, რითაც ასოცირებული ტრიოს ფორმატში საქართველოს, უკრაინისა და მოლდოვას პრემიერ-მინისტრებთან გამართულ შეხვედრას ეხმაურება.

„ძალიან კარგი შეხვედრა მქონდა საქართველოს, მოლდოვას და უკრაინის პრემიერ-მინისტრებთან. თქვენი ქვეყნები წარმოადგენენ ევროპის, ჩვენი საერთო ისტორიის და საზიარო მომავლის არსებით ნაწილს. ევროპარლამენტი უპირობოდ უჭერს მხარს ასოცირებული ტრიოს ინიციატივას და ევროკავშირთან თქვენი პარტნიორობის შემდგომ გაღრმავებას",- წერს დევიდ მარია სასოლი სოციალურ ქსელ „ტვიტერში".