დიმიტრი კულება - ბელარუსის მიერ ყირიმის რუსეთის ტერიტორიად აღიარება უკრაინა-ბელარუსის ურთიერთობებს დააზარალებს
ბელარუსის მიერ ყირიმის რუსეთის ნაწილად აღიარება გამოუსწორებელ დარტყმას მიაყენებს უკრაინა-ბელარუსის ურთიერთობებს, - ამის შესახებ უკრაინის საგარეო საქმეთა მინისტრმა დიმიტრი კულებამ რიგაში ჟურნალისტებს ნატო-ს საგარეო საქმეთა მინისტერიალზე განუცხადა.
„ჩვენ შევაფასებთ ბელარუსის პრეზიდენტის ალექსანდრე ლუკაშენკოს ქმედებებს. თუ ბელარუსი ნამდვილად აღიარებს რუსეთის მიერ ყირიმის უკანონო ოკუპაციას, ეს გამოუსწორებელ დარტყმას მიაყენებს უკრაინა-ბელარუსის ურთიერთობებს. ყირიმი არ არის ის საკითხი, სადაც ჩვენ თავს თავშეკავების უფლებას ვაძლევთ“, - აღნიშნა უკრაინის საგარეო საქმეთა მინისტრმა.
მანამდე ლუკაშენკომ განაცხადა, რომ ყირიმში ჩასვლას რუსეთის პრეზიდენტ ვლადიმერ პუტინთან ერთად აპირებს. მისი თქმით, ყირიმში ჩასვლა ნახევარკუნძულის რუსეთის ტერიტორიად აღიარებაზე მიანიშნებს.
ყირიმის ხელმძღვანელის სერგეი აქსენოვის განცხადებით, ბელარუსის ლიდერის ასეთი გადაწყვეტილება „სრულიად შეესაბამება რუსეთისა და ბელარუსის ხალხებს შორის არსებულ ძმური ურთიერთობების სულისკვეთებას“.
This is a modal window.
v-if="article.gallery" v-html="article.gallery"
