სტუ-ის „კვანტური ფიზიკისა და საინჟინრო ტექნოლოგიების ინსტიტუტის“  მეცნიერის პროექტი, შოთა რუსთაველის საქართველოს ეროვნული სამეცნიერო ფონდის საგრანტო კონკურსის ერთ-ერთი გამარჯვებულია

შოთა რუსთაველის საქართველოს ეროვნულმა სამეცნიერო ფონდმა 2021 წლის ახალგაზრდა მეცნიერთა კვლევების გრანტით დაფინანსების კონკურსის 54 გამარჯვებული პროექტი გამოავლინა. მათ შორისაა ტექნიკური უნივერსიტეტის „კვანტური ფიზიკისა და საინჟინრო ტექნოლოგიების ინსტიტუტის“ მეცნიერის, ოთარ კემულარიას პროექტიც, რომელმაც ინჟინერიისა და ტექნოლოგიების განხრით, პირველი ადგილი დაიკავა. ამის შესახებ ინფორმაციას სტუ-ის საზოგადოებასთან ურთიერთობის დეპარტამენტი ავრცელებს.

2021 წლის ახალგაზრდა მეცნიერთა კვლევების გრანტით დაფინანსების კონკურსში 121 პროექტი მონაწილეობდა. პროექტების შეფასება 3 ეტაპად, ევროპის სამეცნიერო ფონდის დამოუკიდებელი ექსპერტების მიერ (European Science Foundation – Science Connect, ESF-SC) განხორციელდა.

პირველ ეტაპზე კონკურსში მონაწილე თითოეული პროექტი ორმა დამოუკიდებელმა ექსპერტმა შეაფასა. მეორე ეტაპზე კი, კონკურსანტებს მიეცათ შესაძლებლობა, გაცნობოდნენ დამოუკიდებელი ექსპერტების დასკვნებს და განმარტებითი პასუხები მოემზადებინათ.

ოთარ კემულარიას სამეცნიერო პროექტი RPC და STT დეტექტორების ელექტრონიკის გაგრილებისა და სხვა სისტემების მოდელირებას შეეხება. RPC დეტექტორი არის CERN-ის (ჟენევა, შვეიცარია) CMS ექსპერიმენტის ერთ-ერთი ქვედეტექტორი, რომლის განახლებაც PHASE II პროგრამის ფარგლებში ხორციელდება და რომლის დავალებაც, LHC (Large Hadron Collider)-ის უფრო მაღალ ენერგიებზე ოპერირების დროს, "ახალი ფიზიკის" აღმოჩენის პროცესში მონაწილეობა იქნება. RPC და STT დეტექტორების შემუშავება ჯერ არ დასრულებულა, სწორედ ამტომ ახალგაზრდა მეცნიერის პროექტი ორივეს შემუშავების პროცესში ჩართულობასაც მოიცავს.

„ეს კონკურსი ზუსტად ის შესაძლებლობა იყო, რომელიც დამატებითი სახსრებით დაეხმარებოდა ჩემი კვლევების წარმოებას.ფონდის მიერ ასეთი სახის ხელშეწყობა, ზრდის ახალგაზრდების დაინტერესებას მეცნიერებისადმი და სურვილს, თავიანთი აგური დადონ საკუთარი ქვეყნისა და კაცობრიობის მომავლის მშენებლობაში“, - განაცხადა ოთარ კემულარიამ.

ოთარ კემულარიას მართვის სისტემებისა და ტესტ-ინჟინერინგის განხრით, საქართველოს ტექნიკური უნივერსიტეტის სადოქტორო პროგრამა აქვს დამთავრებული. „კვანტური ფიზიკისა და საინჟინრო ტექნოლოგიების ინსტიტუტში“ მუშაობა კი, 2016 წლიდან დაიწყო, როდესაც მას ბირთვული კვლევების ევროპული ორგანიზაციის, CERN-ის ერთ-ერთ პროექტში ჩართვა შესთავაზეს.

აღნიშნული ინსტიტუტი CERN-თან წლებია მჭიდროდ თანამშრომლობს, შესაბამისად, ახალგაზრდა მეცნიერი საქართველოსა თუ შვეიცარიაში, ბირთვული კვლევების ევროპული ორგანიზაციის სხვადასხვა პროექტებზე ხშირად მუშაობს.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს