ჩემი აზრით, არაფერი ეტყობა მიხეილ სააკაშვილს, რომ ჯანმრთელობის რაღაც განსაკუთრებული პრობლემები აქვს, - ამის შესახებ „გირჩი“ ერთ-ერთმა ლიდერმა სანდრო რაქვიაშვილმა განაცხადა და აღნიშნულით გავრცელებულ ინფორმაციას უპასუხა, რომლის მიხედვითაც, საქართველოს ყოფილი პრეზიდენტი შესაძლოა, უახლოეს პერიოდში პენიტენციურ დაწესებულებაში დააბრუნონ.

„ბუნებრივია, ადრე თუ გვიან, საკითხი დადგება, რომ მიხეილ სააკაშილი ციხეში უნდა დაბრუნონ. გასაგებია, რომ ისევ პოლიტიკური პრობლემა იქნება, მაგრამ ბუნებრივია, რომ ამაზე დისკუსია დაიწყო, ჩემი აზრით, არაფერი ეტყობა მიხეილ სააკაშვილს, რომ ჯანმრთელობის რაღაც განსაკუთრებული პრობლემები აქვს. თუმცა, ეს ზოგადად პოლიტიკური პრობლემაა და პოლიტიკურ პრობემად დარჩება მომავალში, ჩვენ უნდა ვიზრუნოთ არა იმაზე, ციხეში იქნება თუ საავადმყოფოში, არამედ საერთოდ როგორ მოვაგვაროთ ეს პრობლემა, როგორ დავასრულოთ ეს პოლიტიკური სპექტაკლი, რადგან გვინდა თუ არა, მაინც ამ თემაზე ვლაპარაკობთ ყველა და არა იმ თემებზე, რომელიც მნიშვნელოვანია. აქციები არ ვიცი, მაგრამ გამოსავალია კიევში დაბრუნება“, - განაცხადა რაქვიაშვილმა.