კახა კალაძე საბა ბუაძეს - კორუმპირებულები და თაღლითები საკუთარი პარტიის ბოსებში მოიკითხეთ - რამდენ ტყუილსაც იტყვით, იმდენჯერ მოგხვდებათ სიმართლე ცხვირ-პირში

კორუმპირებულები და თაღლითები საკუთარი პარტიის ბოსებში მოიკითხეთ - რამდენ ტყუილსაც იტყვით, იმდენჯერ მოგხვდებათ სიმართლე ცხვირ-პირში, - ასე უპასუხა თბილისის მერმა, კახა კალაძემ დედაქალაქის საკრებულოს სხდომაზე „ლელოს“ წევრის, საბა ბუაძის კრიტიკას.

აღნიშნული საბა ბუაძის მიმართვას მოჰყვა, კერძოდ:

„გამაოგნებელია ჩემთვის იმის მოსმენა, რომ სიტყვა „კორუმპირებული“, რომელიც არის პოლიტიკურ-სამართლებრივი შეფასება, ამ დარბაზში არ უნდა იქნას ნახსენები და პოლიტიკური პროცესის ნაწილი არ უნდა იყოს, ეს გულუბრყვილობაა?!“- განაცხადა ბუაძემ.

ოპოზიციონერი პოლიტიკოსის მიმართვას კახა კალაძის შეფასება მოჰყვა: „კორუმპირებულები და თაღლითები საკუთარი პარტიის ბოსებში მოიკითხეთ.“

საბა ბუაძემ ამის საპასუხოდ აღნიშნა, რომ მსგავსი ტიპის განცხადებების ატანა მათ აუცილებლად მოუწევთ:

„"ქურდს ქუდი ეწვისო" და ზუსტად ამასთან გვაქვს საქმე. ეს არის პოლიტიკურ - სამართლებრივი შეფასება და გაჟღერდება იმდენჯერ, რამდენჯერაც დავინახავთ ასეთ კორუფციულ შემთხვევას. თქვენ და თქვენს კოლეგებსაც ამის მოსმენა და ატანა მოგიწევთ. ხელების შლა არ არის კულტურული ქცევა“, - მიმართა ბუაძემ კალაძეს.

თბილისის მერმა განაცხადა, რომ ყოველ ტყუილზე სიმართლე მოხვდებათ სახეში:

„არც სამართალი იცით და არც პოლიტიკის გაგებაში არ ხართ. რამდენ ტყუილსაც იტყვით, იმდენჯერ მოგხვდებათ ცხვირ-პირში... რამდენჯერაც იტყვით, იმდენჯერ სიმართლე მოგხვდებათ ცხვირ-პირში“, - აღნიშნა კალაძემ.

ბუაძემ განაცხადა, რომ ეს სამარცხვინო საქციელია და უმჯობესი იქნება „ცხვრი-პირში თქვენ ურტყით ერთმანეთს“.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!