ირაკლი კოვზანაძე - დღეს გვაქვს მაღალი საპროცენტო განაკვეთები და მაღალი ინფლაცია, აქედან გამომდინარე, ჯოხი ორივე ბოლოდან გვირტყამს
გადაწყვეტილებების მიღება ხშირად გვიანდება, საჭიროა პრევენცია და არა პოსტფაქტუმ რეაგირება - შედეგად ჩვენ დღეს გვაქვს მაღალი საპროცენტო განაკვეთები და მაღალი ინფლაცია,- ამის შესახებ საფინანსო-საბიჯეტო კომიტეტის თავმჯდომარე ირაკლი კოვზანაძემ ჟურნალისტებთან განაცხადა, რითაც ეროვნული ბანკის მიერ რეფინანსირების განაკვეთის გაზრდას გამოეხმაურა.
მისი თქმით, კომიტეტის დღევანდელ სხდომაზე, რომელსაც კობა გვენეტაძე დაესწრება, ამ საკითხზე მასთან კითხვები ექნებათ.
"მე შარშანდელი წლის ბოლოდან ვამბობდი, რომ ცენტრალურ ბანკს მოუწევდა მონეტარული საპროცენტო განაკვეთის აწევა, ასევე ვამბობდი, რომ ხშირ შემთხვევაში გვიანდება ამ გადაწყვეტილებების მიღება, ამიტომ საჭიროა პროგნოზორება და პრევენცია და არა პოსტფაქტუმ რეაგირება, შედეგად ჩვენ დღევანდელ დღეს გვაქვს მაღალი საპროცენტო განაკვეთები და მაღალი ინფლაცია. გამომდინარე აქედან ჯოხი ორივე ბოლოდან გვირტყამს. დღეს გვექნება საინტერესო განხილვა და ყველა ამ კითხვებზე მივიღებთ პასუხს,"- განაცხადა კოვზანაძემ.
ცნობისათვის, ეროვნულმა ბანკმა რეფინანსირების განაკვეთი 0.5 პროცენტული პუნქტით გაზარდა. შედეგად, მოქალაქეებს რეფინანსირების განაკვეთზე მიბმული სესხების საპროცენტო განაკვეთი გაეზარდათ.
v-if="article.gallery" v-html="article.gallery"
