დღეს შევიკრიბეთ პარტნიორებთან ერთად, რათა შრომის ლექსიკონზე ვიზრუნოთ, - ამის შესახებ საქართველოს ჯანდაცვის მინისტრმა, ეკატერინე ტიკარაძემ “შერატონ გრანდ თბილისი მეტეხი პალასში” „შრომის ლექსიკონის“ შედეგების პრეზენტაციაზე განაცხადა.
როგორც მან აღნიშნა, "შრომის ლექსიკონი" მნიშვნელოვანი რეფორმაა საქართველოს თითოეული მოქალაქისთვის.
"ჩვენთვის მნიშვნელოვანია, რომ თითოეული მოქალაქისთვის შექმნილი იყოს ჯანმრთელი შრომითი გარემო და პირობები. ასევე საჭიროა ჩვენი მოქალაქეების იმ ფუნდამენტური უფლებების დაცვა, რომელიც მათ დასაქმებაზე გადის, რადგან მხოლოდ დაცული შრომითი უფლებების მქონე მოქალაქეს შეუძლია შექმნას ის დოვლათი და სიკეთე ეკონომიკაში, რომელიც აისახება თითოეული ოჯახის კეთილდღეობაზე და სამომავლოდ ქვეყნის სტრატეგიულ და სწორ განვითარებაზე ეკონომიკური და ფინანსური მიმართულებით", - განაცხადა ეკატერინე ტიკარაძემ.