გურამ მაჭარაშვილი - პრეზიდენტის საახალწლო მიწვევაში გასაკვირი არაფერია, დადგა წინასაახალწლო პერიოდი და იმედია, ამაზე მაინც შევთანხმდებით ოპოზიციასთან, რომ ეს პერიოდი ნამდვილად დადგა

პრეზიდენტის საახალწლო მიწვევაში გასაკვირი არაფერია, დადგა წინასაახალწლო პერიოდი და იმედია, ამაზე მაინც შევთანხმდებით ოპოზიციასთან, რომ ეს პერიოდი ნამდვილად დადგა, - ამის შესახებ ჟურნალისტებთან საპარლამენტო უმრავლესობის წევრმა გურამ მაჭარაშვილმა განაცხადა.

მისი თქმით, პრეზიდენტთან მიღებას "ქართული ოცნების" წარმომადგენელიც დაესწრება.

დაზუსტებაზე, რომ "ნაციონალური მოძრაობა" ამ მიღებას არ დაესწრება, მაჭარაშვილი აღნიშნავს, რომ "ალბათ, "ნაციონალური მოძრაობა" არ აღიარებს, რომ ახალი წელი დგება."

"პრეზიდენტთან მივა შესაბამისი წარმომადგენლობა და იქნება საუბარი ნებისმიერ საკითხთან დაკავშირებით ამ ფორმატში. ეს არის ოფიციალური მოწვევა, მაგრამ ასეთი ტიპის არაფორმალური ურთიერთობები ხელს უწყობს იმას, რომ არამხოლოდ პოლიტიკოსებმა, ნებისმიერი ჯგუფის წარმომადგენლებმა ერთმანეთთან დაილაპარაკონ და პოლიტიკოსებს უფრო შეუწყობს ხელს თუ ამ სიტუაციას ოპოზიცია გამოიყენებს. იქ რა დისკუსია იქნება, ვნახავთ. ჩვენ არა მხოლოდ განცხადებებით გავაკეთეთ ძალიან ბევრი იმისთვის, რომ სიტუაციის დეპოლარიზაცია მომხდარიყო. რა თქმა უნდა, მზად ვართ, ნორმალური პოლიტიკური დიალოგისთვის. თუ მათ საკითხი დააყენეს, რომ სააკაშვილი გაათავისუფლონ პატიმრობისგან და "ნაციონალური მოძრაობა" მოვიდეს ხელისუფლებაში, ეს არ არის შერიგების ფორმატი. იმედი მაქვს, ამ შემთხვევაში სხვა პარტიები დაფიქრდებიან, რომ აუცილებელია ნორმალური პოლიტიკური პროცესი,"- განაცხადა მაჭარაშვილმა.

კითხვაზე, რა ნაბიჯს გადადგამს "ქართული ოცნება" შერიგების მიმართულებით, მაჭარაშვილი აცხადებს, რომ პირველ რიგში, საჭიროა ოპოზიცია პარლამენტს დაუბრუნდეს.

"ჩვენ რა ნაბიჯი უნდა გადავდგათ, პარლამენტიდან ქუჩაში ხომ არ გავალთ, მოვიდნენ ქუჩიდან პარლამენტში და ამის შემდეგ დავილაპარაკოთ,"- განაცხადა მაჭარაშვილმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!