ვაზისუბნის დასახლებაში, მე-15 კორპუსის პირველ სართულზე აფეთქების შედეგად დაშვებული, რომელმაც დამწვრობა მიიღო, ხეჩინაშვილის სახელობის კლინიკაშია გადაყვანილი.
როგორც შსს-ს საგანგებო სიტუაციების მართვის სამსახურში აცხადებენ, მას დამწვრობა აქვს მიღებული და მდგომარეობა მძიმეა.
შეგახსენებთ, ვაზისუბნის დასახლებაში, მე-15 კორპუსში, პირველ სართულზე აფეთქება მოხდა, რამაც ხანძარი გამოიწვია. შსს-ს საგანგებო სიტუაციების მართვის სამსახურის წარმომადგენლის ინფორმაციით, აფეთქება კორპუსში პირველ სართულზე ბუნებრივი აირის დაგროვების შედეგად მოხდა.
ამ დროისთვის ხანძარი სრულად ლიკვიდირებულია. ამავე ინფორმაციით, დაშავდა სულ 4 ადამიანი, მათგან ერთმა დამწვრობა მიიღო, რომლის მდგომარეობა მძიმეა, ხოლო 3-მა პირმა ინტოქსიკაცია მიიღო.