აკაკი მინაშვილი - ვუერთდები პროტესტის უკიდურეს ფორმას, სწორედ ეს ფორმებია საჭირო, რომ მიზანს მივაღწიოთ

“ნაციონალური მოძრაობის” მიერ დაანონსებულ მასობრივი შიმშილობის პროტესტს პარტიის ერთ-ერთი წევრი აკაკი მინაშვილი უერთდება.

როგორც მინაშვილმა ჟურნალისტებს პარტიის ოფისში განუცხადა, შიმშილობა გაგრძელდება იქამდე, ვიდრე არ გათავისუფლდება პატიმრობიდან მესამე პრეზიდენტი მიხეილ სააკაშვილი.

მინაშვილი არ აკონკრეტებს კიდევ ვინ უერთდება პარტიიდან შიმშილობას.

თუმცა, განმარტავს, რომ პროტესტის ამ ფორმას ძალიან ბევრი ადამიანი შეუერთდება და ეს ძალიან მალე გაირკვევა.

მისივე თქმით, “ასობით ადამიანი იქნება, ვინც ჩაერთვება ამ პროტესტში”.

“მე ვუერთდები პროტესტის ამ უკიდურეს ფორმას. მოთხოვნა არის მიხეილ სააკაშვილის გათავისუფლება. ვიდრე მიხეილ სააკაშვილი არ გათავისუფლდება პროტესტის ეს უკიდურესი ფორმა გაგრძელდება. ქვეყანაში არის უკიდურესად მძიმე ვითარება და სწორედ ეს ფორმებია საჭირო იმისთვის, რომ მიზანს მივაღწიოთ. მიტაცებული აქვს სახელმწიფოს ყველა ინსტიტუტი, ყველა დემოკრატიული ინსტიტუტი ხელში აქვს ჩაგდებული, ამიტომ, ჩვენ გამოვხატავთ ჩვენს ძალიან პრინციპულ, მწვავე დამოკიდებულებას ხელისუფლების მიმართ. ქვეყანაში სწრაფად არის გადასაწყვეტი მნიშვნელოვანი საკითხები, იმისთვის, რომ ჭაობიდან ამოვიდეთ. პირველ რიგში, უნდა შეწყდეს პოლიტიკური დევნა და მიხეილ სააკაშვილი ამ პოლიტიკური დევნის სიმბოლოა”, - აცხადებს აკაკი მინაშვილი.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში