შალვა პაპუაშვილი პატრიარქს დაბადების დღეს ულოცავს

პარლამენტის თავმჯდომარე შალვა პაპუაშვილი პარლამენტის სახელით, საქართველოს კათოლიკოს-პატრიარქს დაბადების დღეს ულოცავს.

„პატრიარქს, რომელმაც ჩაიბარა ფაქტობრივად უმრევლო ეკლესია 50-მდე მოქმედი ტაძრით და 40-მდე სასულიერო პირით... დღეს კი მას, 89 წლის იუბილეს, 2000-მდე ეკლესიის 3000-ზე მეტი სასულიერო პირი და ასიათასობით მრევლი ულოცავს.

ეს გამრავლებული მადლი და ერის სიყვარულია ქვეყნისა და ეკლესიის წინაშე მისი ღვაწლის ყველაზე თვალსაჩინო დასტური. ვუსურვებ ჩვენს პატრიარქს მხნეობას და დღეგრძელობას!

დიდხანს გვაძლიერებდეს მისი სითბო და ლოცვა ჩვენ და ჩვენს სამშობლოს!“ - წერს შალვა პაპუაშვილი „ფეისბუქში“.