ნიკა კვარაცხელიას მკვლელობის საქმის პროკურორის განცხადებით, ბრალდებულების დაკავებით არაფერი დასრულებულა

ნიკა კვარაცხელიას მკვლელობის საქმის პროკურორის გია შაიშმელაშვილის განცხადებით, ბრალდებულების დაკავებით არაფერი დასრულებულა.

კითხვაზე, იყო თუ არა კვარაცხელიას მკვლელობა შეკვეთილი, ან იკვეთება თუ არა აღნიშნულ საკითხზე ბრალდებულებთან ვინმეს მხრიდან კომუნიკაცია, პროკურორი აცხადებს, რომ გამოძიება ცალკე წარმოებად მიმდინარეობს და ყველა ვერსიაზე მუშაობს.

"ამ ეტაპისთვის ამ დეტალზე ვერაფერს მოგახსენებთ. გამოძიება გამოყოფილი საქმის ფარგლებში მუშაობს ყველა ვერსიაზე. ამათი დაკავებით არაფერი დასრულებულა, საქმე გამოყოფილია სხვა შესაძლო მონაწილეების, ხელშემწყობების მიმართ და აღნიშნული საქმის ფარგლებში საგამოძიებო მოქმედებები მიმდინარეობს, ვნახოთ, რა იქნება მტკიცებულებებია მიხედვით",-განაცხადა შაიშმელაშვილმა.

კითხვაზე, ფიგურირებს თუ არა საქმეში ბუსა ჟვანია, ან გამოიკითხა თუ არა ის, პროკურორი პასუხობს, რომ "კონკრეტული სახელები და გვარები გამოძიების ინტერესია".

ცნობისთვის, თბილისში, ანჯაფარიძის ქუჩაზე, 22 წლის ნიკა კვარაცხელიას მკვლელობის საქმეზე აკო ჭელიძე და გიორგი კავილაძე თბილისში, წყნეთში დააკავეს. მათ ბრალი დაუსწრებლად ჰქონდათ წაყენებული. ბრალდებულებს საგამოძიებო უწყება მკვლელობის დღიდან ეძებდა.

გამოძიების ინფორმაციით, ნიკა კვარაცხელიას მიმართ 10-ზე მეტი გასროლა განხორციელდა, ბრალდებულებმა კი ტერიტორია თანამზრახველთან ერთად ნაქირავები მანქანით დატოვეს.

აკო ჭელიძესა და გიორგი კავილაძეს ბრალი ედება ნიკა კვარაცხელიას ჯგუფურად განზრახ მკვლელობასა და ჯგუფურად ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარებაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს