ლონდონის პოლიციამ დაუნინგ სთრითზე გამართულ წვეულებებთან დაკავშირებით გამოძიება დაიწყო
ლონდონის პოლიციამ დაუნინგ სთრითზე კოვიდშეზღუდვების დროს გამართული წვეულებებთან დაკავშირებით გამოძიება დაიწყო.
კომისარ კრესიდა დიკის განცხადებით, ისინი გამოიძიებენ, „კოვიდ-19-ის რეგულაციების პოტენციურ დარღვევებს“ დაუნინგ სთრითსა და უაითჰოლში.
გამოძიების დაწყების შესახებ ინფორმაცია მას შემდეგ გავრცელდა, რაც გაჟღერდა ახალი ბრალდებები იმასთან დაკავშირებით, რომ დაუნინგ სთრითის ნომერ 10-ში 2020 წლის ივნისში, მაშინ როცა პირველი „ლოქდაუნი“ იყო დაწესებული, პრემიერ-მინისტრის, ბორის ჯონსონის დაბადების დღის წვეულება გაიმართა, რომელსაც 30 პირი ესწრებოდა. ჯონსონის ოფისი კი ამტკიცებს, რომ ყველაფერი იმდროინდელი წესების შესაბამისად განხორციელდა.
შეგახსენებთ, იმ დროს არსებული რეგულაციების თანახმად, დახურულ სივრცეებში, უმეტეს შემთხვევებში, ორზე მეტი პირის თავშეყრა იკრძალებოდა.
v-if="article.gallery" v-html="article.gallery"
