დავით მათიკაშვილის შეფასებით, უკრაინის დახმარების თაობაზე მიხეილ სააკაშვილის ხედვა ქვეყანას „საშინელებათა ფილმის“ სცენართან მიიყვანდა

ამ მოცემულობაში, სააკაშვილი ხელისუფლებაში რომ იყოს, ძალიან ვწუხვარ, მაგრამ არ მგონია, რომ საქართველოში მშვიდობა შენარჩუნებულიყო - ამის შესახებ „ქართული ოცნების“ დეპუტატმა დავით მათიკაშვილმა „პალიტრანიუსის“ გადაცემაში „თავისუფალი სტუდია“ განაცხადა.

დავით მათიკაშვილმა ისაუბრა მიხეილ სააკაშვილის განცხადებასთან დაკავშირებით, რომელიც უკრაინის დახმარებას ეხება, მათიკაშვილის შეფასებით, დღეს მიხეილ სააკაშვილი ხელისუფლებაში ყოფნა „საშინელებათა ფილმის“ ნაწილი იქნებოდა.

„ალბათ, ისე ძალიან სიტყვა „ვითომ“ არ უხდება ადამიანს, როგორც უხდება მიხეილ სააკაშვილს. მისი ნათქვამი ყველაფერი, მინიმუმ ბოლო 10 წლის განმავლობაში არის ძალიან დაკავშირებული სიტყვა „ვითომთან“. ის არის ვითომ ძალიან დიდი პატრიოტი, ამ დროს, ყველაფერს აკეთებს საწინააღმდეგოს. ის არის ვითომ დიდი ლიდერი, ამ დროს ყველაფერს აკეთებს საწინააღმდეგოს. ვითომ პატივს სცემს თავის ქვეყანას, ამ დროს არაჟნებში ჩამალული საქართველოში ჩამოდის.

შესაძლებელია, საშინელებათა ფილმის რაღაც გარკვეული ნაწილი იყოს, რომ მიხეილ სააკაშვილი იყოს დღეს ხელისუფლებაში, ნახევრად ხუმრობით. მიხეილ სააკაშვილის გაუწონასწორებელი, დაუსაბუთებელი ამბიციები, რომელიც ტოვებს მსჯელობის საფუძველს, რომ რეალურად „ნაციონალური მოძრაობა პრორუსულ საქმეს აკეთებს საქართველოში და მათი დაწყებული ყველა პროდასავლური ინიციატივები დასრულდა იმით, რომ 1999 წელს კავკასიიდან გაყვანილი რუსული ჯარი დაბრუნდა კავკასიაში, საქართველოში.

მათ რატომ სჭირდებათ რეზოლუცია, რომელმაც შესაძლებელია, სადღაც ვიღაცის ცხელ თავში კიდევ დამატებით ცხელი აზრები დაბადოს? მოდი ამაზე დავსვათ კითხვა და საზოგადოებას მივმართოთ“, - განაცხადა დავით მათიკაშვილმა.

ინფორმაციისთვის, საქართველოს მესამე პრეზიდენტი, მიხეილ სააკაშვილი სოციალურ ქსელში განცხადებას აქვეყნებს, სადაც განმარტავს, თუ რას გააკეთებდა ის უკრაინაში.

როგორც მიხეილ სააკაშვილი წერს, უკრაინას უსასყიდლოდ გადასცემდა „დიდგორს“ და ტყვიაწამლით დატვირთულ თვითმფრინავს, გაგზავნიდა პრემიერს არამხოლოდ კიევში, არამედ დასავლეთის დედაქალაქებსა და თურქეთში დახმარების მობილიზაციისთვის.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს