ბაკურიანში, მიტარბის პირველ ტრასასთან მყოფი დამსვენებლები დახმარებას ითხოვენ
ბაკურიანში, მიტარბის პირველ ტრასასთან მყოფი დამსვენებლები დახმარებას ითხოვენ.
როგორც "ინტერპრესნიუსის" კორესპონდენტი ადგილიდან იუწყება, უკვე ნახევარი საათია საბაგირო გაჩერებულია, დამსვენებლები კი ჩამოსვლას ვერ ახერხებენ.
არსებული ინფორმაციით, საბაგიროთი დაახლოებით 50-მდე პირი გადაადგილდებოდა.
„ბაკურიანში, მიტარბის პირველ საბაგიროზე მგზავრთა გადაყვანის დროს საბაგირო გაჩერდა, 30 წუთზე მეტია გაჩერებულია. დავრეკეთ 112-ზე, თუმცა რეაგირება არ არის. არავის, ვინც საბაგიროს მართვის პულტთან არის, არაფერი გამოუცხადებია, რა ხდება, რატომ ვართ გაჩერებული და როდის ამუშავდება, ან რამდენი ხანი გვიწევს გაჩერება.
ყინვაა, გაუჩერებლად თოვს. საბაგირო ღიაა და თავზე გვათოვს. გარეთ მინუს 10 გრადუსია. ამას ემატება ის, რომ უკვე საღამოა“, - აცხადებს „ინტერპრესნიუსთან“ ერთ-ერთი დამსვენებელი.
"ინტერპრესნიუსი" დეტალებს საქართველოს მთის კურორტების განვითარების კომპანიაში არკვევს.
This is a modal window.
v-if="article.gallery" v-html="article.gallery"
