ეკა გიგაური - თუ პრეზიდენტის მიერ წამოწყებული პროცესი დღევანდელ პრობლემებს არ დაეხმარება, ვფიქრობ, რომ ჩემი და „საერთაშორისო გამჭვირვალობის“ ადგილი აქ არ იქნება

მგონია, რომ ძალიან მნიშვნელოვანია, პრეზიდენტის ინიცირებული პროცესის შედეგად, დღევანდელობაში ჩვენ გარკვეული ცვლილებები მივიღოთ - ამის შესახებ „საერთაშორისო გამჭვირვალობა-საქართველოს“ აღმასრულებელმა დირექტორმა ეკა გიგაურმა პრეზიდენტთან შეხვედრამდე, ჟურნალისტებს განუცხადა.

მისივე თქმით, მნიშვნელოვანია, რომ ამ პროცესმა გარკვეული წვლილი შეიტანოს დღევანდელი პრობლემების გადაჭრაში.

„ჩვენ სერიოზული პრობლემის წინაშე ვდგავართ. გვაქვს პრობლემები დემოკრატიის, გამოხატვის თავისუფლების თვალსაზრისით. მართლმსაჯულებაში არის ბევრი პრობლემა, ადამიანები ცხოვრობენ სიღარიბეში და ვფიქრობ, რომ ძალიან მნიშვნელოვანია იყვნენ პოლიტიკოსები, რომლებიც ზეპარტიულ გადაწყვეტილებას მიიღებენ. გამოვლენ კონკრეტული, მნიშვნელოვანი ინიციატივებით, რომლებიც დღევანდელ პრობლემებს მოაგვარებენ ან ყოველ შემთხვევაში, მცდელობა იქნება, რომ დღევანდელი პრობლემები მოგვარდეს. სხვა შემთხვევაში, რა თქმა უნდა, მნიშვნელოვანია წარსულის შეფასება, ესეც არის პროცესი, თუმცა თუ ეს პროცესი არ დაეხმარება დღევანდელ პრობლემებს, მაშინ მე ვფიქრობ, რომ ჩემი და „საერთაშორისო გამჭვირვალობის“ როლი აქ არ იქნება წარმოდგენილი. დღეს რა გამოწვევების წინაშეც დგას ქვეყანა, ზუსტად ამაზე უნდა ვისაუბროთ. მოლოდინი ეს არის და კიდევ ვის მოეწონება ან არ მოეწონება, ეს უნდა იყოს ზეპარტიული რამ, რაც კიდვ ერთხელ დაეხმარება იმას, რომ ჩვენი ქვეყანა გამოვიდეს კრიზისიდან.

რაც შეეხება კონკრეტულ კანონპროექტებზე ვეტოს დადების საკითხს, მოლოდინები პრეზიდენტის მხრიდან იყო, რომ კონკრეტულ კანონპროექტებზე ვეტო დაედო. კი, მას შეეძლო ეს გადაწყვეტილება მიეღო, თუმცა, ეს მისი გადაწყვეტილება იყო. მე მის ადგილზე ვეტოს დავადებდი და ვფიქრობ, რომ მისი მხრიდან არასწორი იყო,“ - განაცხადა გიგაურმა.

ცნობისთვის, პრეზიდენტი სალომე ზურაბიშვილი სხვადასხვა სფეროს წარმომადგენელი ქალების მონაწილეობით, ეროვნული თანხმობის პროცესის პირველ საჯარო განხილვას მართავს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024