პარლამენტი დღეს ორი საგამოძიებო კომისიის შექმნის ინიციატივაზე იმსჯელებს
პარლამენტი 15 იანვრის პლენარულ სხდომაზე ორი საგამოძიებო კომისიის შექმნის ინიციატივაზე იმსჯელებს.
15 თებერვლის სხდომის დღის წესრიგში უკვე ასახულია დადგენილების პროექტი “საქართველოს მესამე პრეზიდენტის მიხეილ სააკაშვილის მიმართ შესაძლო ძალადობრივი შეურაცხმყოფელი, არაადამიანური და დამამცირებელი მოპყრობის ფაქტის შემსწავლელი დროებითი საგამოძიებო კომისიის შექმნის შესახებ“.
ბიუროს გადაწყვეტილებით, პლენარული სხდომის დღის წესრიგს 5-6 ივლისს თბილისში განვითარებული მოვლენების შემსწავლელი საგამოძიებო კომისიის შექმნის ინიციატივაც დაემატა.
პირველი დადგენილების პროექტის ავტორია ფრაქცია “ერთიანი ნაციონალური მოძრაობა - გაერთიანებული ოპოზიცია“. 5-6 ივლისს მოვლენების შემსწავლელი საგამოძიებო კომისიის შექმნის ინიციატივა კი პოლიტიკურ ჯგუფ “რეფორმების ჯგუფს“ ეკუთვნის.
რეგლამენტის გათვალისწინებით, პარლამენტი დროებითი საგამოძიებო კომისიის შექმნის საკითხზე გადაწყვეტილებას სრული შემადგენლობის ერთი მესამედის მხარდაჭერით იღებს. გადაწყვეტილების მიღებისას მოწინააღმდეგეთა ხმები მხედველობაში არ მიიღება.
v-if="article.gallery" v-html="article.gallery"
