ბადრი ჯაფარიძე - პირველად სადეპუტატო უფლებამოსილება სახელმწიფო გადატრიალებამ შემიწყვიტა, ახლა მიტაცებულმა სახელმწიფომ - ეს არის უკანონო გადაწყვეტილება, რომელსაც საკონსტიტუციო სასამართლოში გავასაჩივრებთ

„ქართულმა ოცნებამ“ მხარი დაუჭირა ჩემი სადეპუტატო უფლებამოსილების შეწყვეტას. ეს მეორედ ხდება ჩემს პოლიტიკურ ცხოვრებაში - ეს გადაწყვეტილება ვერ გაგვტეხს, პირიქით, ეს ზრდის ჩვენს მოტივაციას იმისათვის, რომ ვიბრძოლოთ სახელმწიფოს გასათავისუფლებლად მიმტაცებელთა ხელიდან, - ამის შესახებ „ლელოს“ ერთ-ერთმა ლიდერმა, ბადრი ჯაფარიძემ ჟურნალისტებს განუცხადა.

ბადრი ჯაფარიძის თქმით, გადაწყვეტილებას საკონსტიტუციო სასამართლოში გაასაჩვირებენ.

მისი თქმით, „ლელო - საქართველოსთვის“ იბრძოლებს ამ ქვეყნისა და მოქალაქეების ინტერესების დასაცავად.

„ქართულმა ოცნებამ“ მხარი დაუჭირა ჩემი სადეპუტატო უფლებამოსილების შეწყვეტას. ეს მეორედ ხდება ჩემს პოლიტიკურ ცხოვრებაში. პირველად სადეპუტატო უფლებამოსილება სახელმწიფო გადატრიალებამ შემიწყვიტა, ახლა სადეპუტატო უფლებამოსილება მიტაცებულმა სახელმწიფომ. ეს არის იმის შედეგი, რაც ხდება ჩვენს ქვეყანაში: სახელმწიფო არის მიტაცებული, შესაბამისად, გადაწყვეტილებები, რომლებიც მიიღება, არის უკანონო, უსამართლო და ჩვენი ხალხის ინტერესების საწინააღმდეგო.

მთელი ეს პერიოდი, რაც დაიწყო ჩვენი დევნა, ჩემი და მამუკა ხაზარაძის, ყველა რეპრესიული მექანიზმი, რაც კი შეიძლებოდა ამოქმედებულიყო, იქნა ამოქმედებული. კერძოდ, სისხლის სამართლის საქმის აღძვრა, დაკავებული თანამდებობიდან ძალით გათავისუფლება, ანაკლიის პროექტის გაჩერება, სასამართლო გადაწყვეტილება, რომელიც საერთოდ სცდება ყველა სამართალს და ყველა პრეცედენტსაც კი, არ არსებობს ასეთი პრეცედენტი ისეთი გადაწყვეტილება დააწერინეს მოსამართლეს, რომლის ამოცანა იყო ერთადერთი, - რეპუტაციის შელახვა და შემდგომ ამის დაგვირგვინება იყო ის, რომ „ქართული ოცნების“ დეპუტაციას გამოეყენებინა ეს სასამართლო გადაწყვეტილება იმისათვის, რომ შეეწყვიტა ჩემთვის სადეპუტატო უფლებამოსილება.

ეს გადწყვეტილება ჩვენ ვერ გაგვტეხს, პირიქით, ეს ზრდის ჩვენს მოტივაციას იმისთვის, რომ ვიბრძოლოთ სახელმწიფოს გასათავისუფლებლად მიმტაცებელთა ხელიდან. ამიტომ, მინდა გითხრათ, რომ „ლელო საქრთველოსთვის“ ვალდებულებას ჩვენს თანამოქლაქეებთან შევასრულებთ, გავაგრძელებთ მშვიდად, შემართებით და გადავდგამთ იმ პოლიტიკურ ნაბიჯებს, რომელიც მიზანშეწონილად მიგვაჩნია ამ ვითარებაში. ასე რომ, პოლიტიკური დევნის კიდევ ერთი ახალი ტალღა დღეს განხორციელდა პარლამენტში და ძალიან სიმბოლურია, რომ 30 წლის შემდეგ, როდესაც პირველად შემიწყვიტა სახელმწიფო გადატრიალებამ უფლებამოსილება. ეს გაიმეორა „ქართულმა ოცნებამ“ მაგრამ ღირს ამ ქვეყნისთვის. ჩვენ ვაგრძელებთ ბრძოლას, რომ ჩვენი ხალხის ინტერესები იქნას დაცული“, - განაცხადა ბადრი ჯაფარიძემ.

ჯაფარიძის თქმით, მმართველი პოლიტიკური ძალა მის წინააღმდეგ აწარმოებს პოლიტიკურ დევნას და პარლამენტის გადაწყვეტილებას საკონსტიტუციო სასამართლოში გაასაჩვრებენ.

„ეს არის პოლიტიკური დევნის ახალი ტალღა, სხვაგვარად ამის შეფასება არ შეიძლება და ეს არის სწორედ, მიტაცებული სახელმწიფოს მიერ მიღებული გადაწყვეტილება. ეს არ არის ის გადაწყვეტილება, რომელსაც რაიმე კანონიერი საფუძველი გააჩნია. ეს არის უკანონო გადაწყვეტილება, რომელსაც საკონსტიტუციო სასამართლოში აუცილებლად გავასაჩივრებთ. ჩვენ გავაგრძელეთ სამართლებრივ ბრძოლას, ასევე პოლიტიკურ ბრძოლას იმისთვის, რომ ქვეყანაში ერთხელ და სამუდამოდ დამკვიდრდეს კანონის უზენაესობა, დასრულდეს ოლიგარქიული მმართველობა და დასრულდეს სახელმწიფოს მიტაცება“, - განაცხადა ბადრი ჯაფარიძემ.

თენგიზ ცერცვაძე - შეგვიძლია დაგიდასტუროთ, რომ დღეს საქართველოში მოსახლეობის COVID უსაფრთხოება საიმედოდ არის დაცული და პანდემია არ ახდენს ნეგატიურ გავლენას ცხოვრების ხარისხზე
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
არჩილ მორჩილაძე - ჯანმრთელობის დაზღვევის სფეროში სახელმწიფო შესყიდვების უმეტესობა ხელს უწყობს ქვეყანაში პოლიფარმაციას და გაუმართლებლად ზრდის დაზღვევის ღირებულებას
ქართული პრესის მიმოხილვა 06.10.2022
შეზღუდული პერიოდით “სკიო გუდაური” ბინებს არასეზონურ ფასად გაყიდის
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო