გია ხუხაშვილი - ხელისუფლებას პოლიტიკური ბულემია სჭირს - როცა შანსი უჩნდება, ძალაუფლების არცერთ ნამცეცზე უარს არ ამბობს და ოპოზიციის დაჩაგვრის შანსს ხელიდან არ უშვებს

ბადრი ჯაფარიძისნაირი ოპოზიციონერი უნდა ინატრო, თუ ცივილიზებული პოლიტიკა გინდა, მაგრამ ხელისუფლების ამ პოლიტიკურმა გაუმაძღრობას ისევ პოლარიზაციისკენ მიჰყავს პროცესი, - ამის შესახებ პოლიტიკურმა ექსპერტმა, გია ხუხაშვილმა „ინტერპრესნიუსთან“ საუბრისას განაცხადა, რითაც საპარლამენტო უმრავლესობის მიერ ოპოზიციონერი დეპუტატების, ბადრი ჯაფარიძის, შალვა ნათელაშვილისა და ელენე ხოშტარიას სადეპუტატო უფლებამოსილება შეწყვეტის საკითხს გამოეხმაურა.

ხუხაშვილის თქმით, აღნიშნული ფაქტი ხელისუფლების „პოლიტიკურ გაუმაძღრობაზე“ მეტყველებს.

„ერთი მხრივ, ოპოზიცია ძალიან ბევრ შეცდომას უშვებს - ის ძალიან მერყევი და ცვალებადია თავისი მოქმედებების ტაქტიკაში. მეორე მხრივ, ხელისუფლებას სჭირს პოლიტიკური ბულემია, რომელსაც, შანსი რომ უჩნდება, ძალაუფლების არცერთ ნამცეცზე უარს არ ამბობს და ოპოზიციის დაჩაგვრის შანსს ხელიდან არ უშვებს. ხელისუფლება ასე არ უნდა მოქცეულიყო. ეს არის მოცემულობა, რომელშიც ძალიან კარგად ჩანს მთელი პოლიტიკური ელიტის კრიზისი - როგორც ოპოზიციური, ასევე სახელისუფლებო“, - აღნიშნა ხუხაშვილმა.

მან ასევე ერთმანეთს შეადარა „ქართული ოცნება“ და „ნაციონალური მოძრაობა“, როცა ის ხელისუფლებაში იყო და აღნიშნა, რომ მთავრობაში მოსვლის შემდეგ ბიძინა ივანიშვილს სისტემურად არაფერი შეუცვლია.

„ქართულ ოცნებას“ „ნაციონალური მოძრაობის“ მმართველობის შემდეგ სისტემურად არაფერი შეუცვლია. ბიძინა ივანიშვილმა საერთოდ არაფერი შეცვალა. მისი ამოცანა, რომელიც, სამწუხაროდ, გვიან გავარკვიე, არ იყო სისტემური ცვლილებები. მისი ამოცანა იყო სისტემის გადმობარება. მისი ამოცანა იყო წაერთვა მისთვის ძალიან მოსაწონი სისტემა მიშასთვის, იგივენაირად დაეტოვებინა და კიდევ უფრო განევითარებინა მთელი თავისი მანკიერებით და სისუსტეებით. ივანიშვილმა უბრალოდ აიღო იგივე და განავითარა - მას ის არცერთი მიმართულებით შეუცვლია“, - აღნიშნა გია ხუხაშვილმა.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო