ელენე ხოშტარია - „დროას" გუნდი „ლელოს“ ოფისში მოვედით ბადრი ჯაფარიძის მხარდასაჭერად, იმ ძალიან ღია უსამართლობის წინააღმდეგ, რომელიც მიმდინარეობს

ჩვენ დღეს ,,დროას" გუნდი მოვედით ბადრი ჯაფარიძის მხარდასაჭერად, იმ ძალიან ღია უსამართლობის წინააღმდეგ, რომელიც მიმდინარეობს, - ამის შესახებ „დროას" ლიდერმა ელენე ხოშტარიამ პარტია ,,ლელოს" ოფისში კონსულტაციის დაწყებამდე განაცხადა.

ხოშტარიას თქმით, პარლამენტში შეშვება-არშეშვებას ივანიშვილი წყვეტს, სწორედ ამიტომ არ არის იგი ამჟამად პარლამენტში. მისი თქმით, ,,პარლამენტის ლეგიტიმურობის საკითხს კიდევ ერთი წერტილი დაესვა".

„გუშინ რაზეც ისაუბრა კობახიძემ, ეს არის პირდაპირ გამოწვევა. აქ არის საუბარი, რომ ნებისმიერი ადამიანი, ვინც სისტემას დაუპირისპირდება, მის მიმართ კონსტიტუცია აღარ მოქმედებს და პარლამენტი არის რაღაც თავშეყრის ადგილის, სადაც როგორც ივანიშვილი გადაწყვეტს, იმის მიხედვით ვიღაცას შეუშვებენ, ვიღაცას არ შეუშვებენ. მე პირადად, ამიტომ არ ვარ ამ პარლამენტში. ჩემთვის პარლამენტის ლეგიტიმურობის საკითხს კიდევ ერთი დიდი წერტილი დაესვა. ამასთან, ბადრი ჯაფარიძეს ბუნებრივია, ჩვენ მხარს ვუჭერთ, ამ უსამართლო ბრძოლაში და გვექნება საუბარი, კონკრეტულად როგორ ხედავს ის, რუსთავის არჩევნებს", - განაცხადა ხოშტარიამ.

რაც შეეხება ,,პალიტრანიუსის" გადაცემაში ,,360 გრადუსი", ირაკლი კობახიძის მიერ გაკეთებულ განცხადებას, ხოშტარიამ განაცხადა, რომ ეს არის საშიში განცხადება. მისივე თქმით, მათთვის კონსტიტუცია არ არსებობს.

,,ეს არის ღია განცხადება პირველ რიგში იმის, რომ კონსტიტუცია ამ ქვეყანაში მათთვის არ არსებობს, მეორე, ისინი პირდაპირ ამბობენ, რომ ეს პარლამენტი არის ჩემი ოთახი, სადაც მე გადავწყვეტ, ვინ შემოვა და ვინ გავა, ეს დამოკიდებულია იმაზე, მე ის მომწონს თუ არ მომწონს. ეს საშიში განცხადებაა", - განაცხადა ხოშტარიამ.

ანდრო გოცირიძე - რუსული სპეცსამსახური საქართველოში ახორციელებს საოკუპაციო რეჟიმს, მასთან ურთიერთობა პოზიტიურ ჭრილში გამორიცხულია
ქართული პრესის მიმოხილვა 08.06.2023
ტომას გრემი - აშშ-ს არ აქვს არავითარი ინტერესი, რომ საქართველო უშუალოდ ჩაერთოს უკრაინის კონფლიქტში და გნებავთ, „მეორე ფრონტი“ გაიხსნას
რეიტინგული ტელეარხების საუკეთესო შეთავაზებით დიჯიტალ ტვ განვითარებას აგრძელებს
„სილქნეტის“ ახალი ნომრის გააქტიურება და ქსელში ჩართვა „სმარტის“ მარკეტებში შეგეძლებათ
თბილისში, სააკაძის მოედანზე „ქეი ეფ სის“ ახალი რესტორანი გაიხსნა
საერთაშორისო ფარმაცევტული კომპანია GM PHARMA ბავშვთა დაცვის საერთაშორისო დღის აღნიშვნას საინტერესო აქტივობებით შეუერთდა
კერძო სკოლა „ბრიტანულ-ქართულ აკადემიაში“ აცხადებენ, რომ საგანმანათლებლო დაწესებულების ტერიტორიაზე ასაფეთქებელი ნივთიერების არსებობა არ დადასტურდა