ასლან ბჟანია და ანატოლი ბიბილოვი მხარს უჭერენ ვლადიმერ პუტინის გადაწყვეტილებას უკრაინის სეპარატისტული „რესპუბლიკების“ აღიარების შესახებ

ოკუპირებული აფხაზეთისა და ცხინვალის ე.წ. ლიდერები აცხადებენ, რომ მხარს უჭერენ რუსეთის პრეზიდენტის, ვლადიმერ პუტინის გადაწყვეტილებას დონბასის სეპარატისტული ე.წ. დონეცკისა და ლუგანსკის რესპუბლიკების აღიარების შესახებ.

ასლან ბჟანია სპეციალურ განცხადებაში აღნიშნავს, რომ მოსკოვის გადაწყვეტილება "სამართლიანია, გეოპოლიტიკური რეალობის ადეკვატურ შეფასებაზეა დაფუძნებული და შეესაბამება თანამედროვე გამოწვევებსა და საფრთხეებს".

„როგორც რუსეთის მოკავშირე, აფხაზეთის რესპუბლიკა მხარს უჭერს რუსეთის უმაღლესი ხელმძღვანელობის გადაწყვეტილებას. ჩვენ დარწმუნებული ვართ, რომ ეს გადაწყვეტილება ხელს შეუწყობს რეგიონში უსაფრთხოების არქიტექტურის გაძლიერებას გრძელვადიან პერსპექტივაში. გარდა ამისა, ჩვენ გვჯერა, რომ რუსეთის მიერ დონბასის რესპუბლიკების აღიარების გადაწყვეტილება ხელს უწყობს უფრო სამართლიანი და დაბალანსებული მსოფლიო წესრიგის ჩამოყალიბებას. დონეცკის სახალხო რესპუბლიკის და ლუგანსკის სახალხო რესპუბლიკის ხალხებს ვუსურვებ სიტუაციის სწრაფ ნორმალიზაციას, მშვიდობასა და კეთილდღეობას“, - განაცხადა ბჟანიამ.

ანატოლი ბიბილოვმა პუტინის გადაწყვეტილებას "მოსალოდნელი და გამართლებული" უწოდა.

„დონბასის აღიარება ნიშნავს უკეთესი მომავლის იმედს მილიონობით ადამიანისთვის. ისევე, როგორც რუსეთისგან აღიარება უკვე 13 წლის განმავლობაში უზრუნველყოფს მშვიდობას სამხრეთ ოსეთის რესპუბლიკის მიწაზე“, - განაცხადა ბიბილოვმა.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება