ოკუპირებული აფხაზეთის ე.წ. პრეზიდენტმა, ასლან ბჟანიამ ხელი მოაწერა „ბრძანებას“ დონეცკისა და ლუგანსკის ე.წ. სახალხო რესპუბლიკების „აღიარების“ შესახებ. ამის შესახებ ადგილობრივი მედია იუწყება.

„ლუგანსკისა და დონეცკის რესპუბლიკების ხალხთან ჩვენი მეგობრობიდან გამომდინარე, მივიჩნევ, რომ მომავალშიც აუცილებელია ვიყოთ მათი ბედის თანამონაწილენი, გულწრფელად ვუსურვებ ჩვენ ძმებს უსაფრთხო და მდგრად განვითარებას, ამიტომ ხელს ვაწერ ბრძანებას დამოუკიდებლობის ცნობის შესახებ. სრულიად დარწმუნებული ვარ, რომ მთელი აფხაზური საზოგადოება მხარს უჭერს ამ გადაწყვეტილებას“, - აცხადებს ბჟანია.

მან ე.წ. მთავრობას დაავალა, დაიწყოს „სახელმწიფოთაშორისი” შეთანხმებების მომზადება მეგობრობის, თანამშრომლობისა და ურთიერთდახმარების შესახებ, ასევე „დიპლომატიური ურთიერთობების“ დასამყარებლად.