ირაკლი კობახიძეს აქვს სტანდარტი - ქვეყნისათვის სახელმწიფოებრივად მნიშვნელოვანი საკითხები მეორეხარისხოვანით გადაფაროს , - აღნიშნული განცხადებით "სტრატეგია აღმაშენებლის" ლიდერი გიორგი ვაშაძე პარტია "ქართული ოცნების" თავმჯდომარის ბრიფინგს გამოეხმაურა.

ვაშაძის თქმით, სრულიად გაუგებარია, როგორ შეიძლება ხელისუფლებამ ყველა ბუნებრივი პროტესტის უკან დაგეგმილი პრივოკაცია ეძებოს.

"დღეს საქართველოსთვის მნიშვნელოვანია ევროპაში ინტეგრაცია, ამ მიმართულებით თანამშრომლობა და ერთიანობა - ვეკითხები მას, რატომ არ იდგმება ამ მიმართულებით არც ერთი ნაბიჯი? როგორ შეიძლება ყველა ბუნებრივი პროტესტის უკან დაგეგმილი პრივოკაცია ეძებონ?! ეს ყელში ამოსული ერთი და იგივე რიტორიკაა... ხომ ვხედავთ, რომ საწვავზე ფასი მაღალია - მივმართავ, როგორც ერთ, ისე მეორე ირაკლის, ხომ თქვენ გააორმაგეთ აქციზის ფასი, ხალხი აქციზური გადასახადის დაკლებას ითხოვს. ამით საწვავი მინიმუმ 38 თეთრით გაიაფდება. არ უნდა აქ იმის ძიება, ამის უკან რომელი პარტია დგას. ეს ის გაჭირვებაა, რაშიც საქართველო ცხოვრობს და არა რაღაც პარტიული საკითხები", - განაცხადა გიორგი ვაშაძემ ჟურნალისტებთან საუბრისას.