შალვა პაპუაშვილის განცხადებით, სტრასბურგის სასამართლოს გადაწყვეტილებამ დაადასტურა, რომ სააკაშვილის მიმართ მოპყრობის და მკურნალობის შესახებ კითხვის ნიშნები არ არსებობს

პარლამენტის თავმჯდომარის შალვა პაპუაშვილის განცხადებით, სტრასბურგის სასამართლოს გადაწყვეტილებამ საბოლოოდ დაადასტურა, რომ მიხეილ სააკაშვილის მიმართ მოპყრობის და მკურნალობის შესახებ კითხვის ნიშნები არ არსებობს.

როგორც პაპუაშვილმა ჟურნალისტებს განუცხადა, ამ საკითხთან დაკავშირებით დეზინფორმაციული კამპანია წარმოებდა და საინფორმაციო კუთხით მდგომარეობის დასამძიმებლად ტერმინი - ფარმაკოლოგიური წამება გამოიგონეს.

„აქ ცალსახაა სტრასბურგის სასამართლოს დამოკიდებულება. დროებითი ღონისძიება სტრასბურგის სასამართლომ გააუქმა, ვინაიდან მაშინვე დარწმუნდა, რომ სათანადო მოპყრობა იყო მიხეილ სააკაშვილის მიმართ. ამით საბოლოოდ დაადასტურა, რომ მის მიმართ მოპყრობის და მკურნალობის შესახებ კითხვის ნიშანი არ არსებობს.

სამწუხაროა, რომ ჩვენთან კიდევ ერთხელ ხდება ყველა ასეთი სახის საკითხით მანიპულაცია. ჩვენ ბოლო თვეების განმავლობაში ვხედავდით, რომ იყო ყალბი სამედიცინო დასკვნები, გამოიგონეს ტერმინი - ფარმაკოლოგიური წამება და ა.შ. ვრწმუნდებით, რომ ეს იყო დეზინფორმაციული და ყალბი კამპანია, რომელსაც, სამწუხაროდ, აწარმოებს სხვადასხვა ორგანიზაცია, რომელთა რეპუტაციაც სწორედ ასეთი საქმეებითაა ცნობილი - ისინი აყალბებენ სამედიცინო დასკვნებს, თუ მონაცემებს. კიდევ ერთხელ გავიხსენებ - ე.წ. ფარმაკოლოგიური წამება - ტერმინიც კი გამოიგონეს იმისთვის, რომ საინფორმაციო კუთხით მდგომარეობა დაემძიმებინათ“, – განაცხადა შალვა პაპუაშვილმა.

ცნობისთვის, იუსტიციის მინისტრის მოადგილის, ბექა ძამაშვილის განცხადებით, ადამიანის უფლებათა ევროპულმა სასამართლომ განსახილველ საქმეთა სიიდან ამორიცხა მიხეილ სააკაშვილის საჩივარი, რომელიც პენიტენციურ სისტემაში მის მკურნალობას და მის მიმართ მოპყრობას შეეხებოდა.

„სტრასბურგის სასამართლოს შეფასებით, ამ საქმეში არ არსებობს რაიმე განსაკუთრებული გარემოება, ადამიანის უფლებების დაცვის თვალსაზრისით, რომლის გამოც საჭირო იქნებოდა საკითხის დამატებითი შესწავლა“, - განაცხადა ძამაშვილმა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება